State BJP president: బీజేపీ రాష్ట్ర చీఫ్ సంచలన కామెంట్స్.. ఆయన ఏమన్నారో తెలిస్తే..
ABN, First Publish Date - 2023-08-12T07:55:53+05:30
లోక్‌సభకు 2024లో జరుగనున్న ఎన్నికల్లో ప్రధాని నరేంద్ర మోదీ నేతృత్వంలో ముచ్చటగా మూడోసారి కూడా కేంద్రంలో బీజేపీ నేతృత్వంలో ప్రభుత్వం
ప్యారీస్‌(చెన్నై): లోక్‌సభకు 2024లో జరుగనున్న ఎన్నికల్లో ప్రధాని నరేంద్ర మోదీ నేతృత్వంలో ముచ్చటగా మూడోసారి కూడా కేంద్రంలో బీజేపీ నేతృత్వంలో ప్రభుత్వం అధికారంలోకి వస్తుందని రాష్ట్ర బీజేపీ అధ్యక్షుడు అన్నామలై(State BJP president Annamalai) జోస్యం చెప్పారు. విరుదునగర్‌(Virudhunagar) జిల్లా శివకాశి శాసనసభ నియోజకవర్గంలో శుక్రవారం పాదయాత్రలో పాల్గొన్న అన్నామలై ప్రజలనుద్ధేశించి మాట్లాడుతూ, పుణ్యక్షేత్రం కాశికి వెళ్లలేని వారు శివకాశిలో కొలువుదీరిన శివపరమాత్ముడిని పూజిస్తే పుణ్యం గిట్టుతుందని అన్నారు. ఈ ప్రాంతంలో 90 శాతానికి పైగా బాణసంచా తయారీ కంపెనీలు, అగ్గిపెట్టె కర్మాగారాలు, 70 శాతం ముద్రణాలయాలు ఉన్నాయని, ఈ పరిశ్రమను ప్రోత్సహించేలా కేంద్రప్రభుత్వం పథకాలు అమలు పరుస్తోందని తెలిపారు. 2024లో లోక్‌సభకు జరగనున్న ఎన్నికల్లో మూడోసారి కూడా నరేంద్ర మోదీ(Narendra Modi) ప్రధాని అవుతారని, కుటుంబ రాజకీయాలు సాగిస్తున్న పార్టీలకు ప్రజలు ఓటు అనే ఆయుధం ద్వారా గుణపాఠం చెబుతారని అన్నామలై అభిప్రాయం వ్యక్తం చేశారు.
Updated Date - 2023-08-12T07:55:53+05:30 IST