Baghel Candy Crush: క్యాండీ క్రష్ నా ఫేవరెట్..ఆడుతూనే ఉంటా..! బీజేపీకి సీఎం స్ట్రాంగ్ కౌంటర్
ABN, First Publish Date - 2023-10-11T16:54:29+05:30
ఎన్నికలకు సంబంధించిన పార్టీ సమావేశంలో 'క్యాండీ క్రష్' ఆన్ లైన్ గేమ్ ఆడుతున్న ఛత్తీస్‌గఢ్ సీఎం భూపేష్ బఘెల్ ఫోటోను బీజేపీ విడుదల చేయడం, దానిపై విమర్శలు గుప్పించడాన్ని సీఎం అంతే ధీటుగా బుధవారంనాడు తిప్పికొట్టారు. ''నా ఉనికే వారికి అభ్యంతరంగా ఉన్నట్టు ఉంది'' అంటూ ఛలోక్తి విసిరారు.
రాయపూర్: ఎన్నికలకు సంబంధించిన పార్టీ సమావేశంలో 'క్యాండీ క్రష్' (Candy Crush) ఆన్ లైన్ గేమ్ ఆడుతున్న ఛత్తీస్‌గఢ్ సీఎం భూపేష్ బఘెల్ (Bhupesh Baghel) ఫోటోను బీజేపీ విడుదల చేయడం, దానిపై విమర్శలు గుప్పించడాన్ని సీఎం అంతే ధీటుగా బుధవారంనాడు తిప్పికొట్టారు. ''నా ఉనికే వారికి అభ్యంతరంగా ఉన్నట్టు ఉంది'' అంటూ ఛలోక్తి విసిరారు.
''ఇంతకుముందు, నేను కార్ట్ గేమ్ ఎందుకు ఆడతాను? బొంగరం ఎందుకు ఆడుతున్నాను? కర్ర బిళ్ల ఎందుకు ఆడతాను? ఛత్తీస్‌గఢ్ ఒలంపిక్స్ రాష్ట్రంలో ఎందుకు? అంటూ బీజేపీ అభ్యంతరాలు వ్యక్తం చేసేది. ఇప్పుడు నేను పాల్గొ్న్న సమావేశంలో క్యాండీ క్రష్ ఆడుతున్న ఫోటో చూపిస్తోంది. దానిపై కూడా అభ్యంతరం చెబుతోంది. అసలు నా ఉనికే వారికి అభ్యంతరమని తోస్తోంది'' అని బఘెల్ ఒక ట్వీట్‌లో సమాధానమిచ్చారు. తాను రైడింగ్ ది కార్డ్, గిల్లీ దండా ఆడుతూనే ఉంటానని, అలాగే క్యాండీ క్రష్ కూడా తన ఫేవరెట్ అని ఆయన తెలిపారు ఆ ఆటలో తనకు అన్ని లెవెల్స్ బాగా తెలుసునని, మునుముందు కూడా ఆ ఆట ఆడుతూనే ఉంటానని తెగేసి చెప్పారు. ఎవరిని అధికారంలో ఉంచాలో ఎవరిని అధికారానికి దూరంగా ఉంచాలో రాష్ట్ర ప్రజలకు బాగా తెలుసునని బీజేపీపై విమర్శలు గుప్పించారు. దీనికి ముందు, బీజేపీ నేత అమిత్ మాలవీయ ఒక పోస్టులో బఘెల్ క్యాండీ క్రాష్ ఆడుతున్న ఫోటోను ట్వీట్ చేశారు. ఈ కాంగ్రెస్ నేతకు (బఘెల్) మళ్లీ తమ ప్రభుత్వం రాదని బాగా తెలుసునంటూ వ్యాఖ్యానించారు.
Updated Date - 2023-10-11T16:54:29+05:30 IST