Kuwait: పాపం.. ఈ భారతీయ జంటకు ఏడాది క్రితమే పెళ్లయింది.. కానీ, ఏమైందో ఏమో.. తెల్లవారు ఝామున చూస్తే వారి నివాసంలో షాకింగ్ సీన్..!
ABN, First Publish Date - 2023-05-05T08:09:32+05:30
గల్ఫ్ దేశం కువైత్‌లో భారతీయ జంట (Indian Couple) వారి నివాసంలోనే విగతజీవులుగా కనిపించారు.
కువైత్ సిటీ: గల్ఫ్ దేశం కువైత్‌లో భారతీయ జంట (Indian Couple) వారి నివాసంలోనే విగతజీవులుగా కనిపించారు. ఏడాది క్రితమే ఈ జంటకు పెళ్లయింది. ఇంతలోనే ఈ ఘోరం జరిగింది. వివరాల్లోకి వెళ్లే.. సైజు సైమన్ (Saiju Simon) తన భార్యతో కలిసి సాల్మియా (Salmiya) ప్రాంతంలోని ఓ అపార్ట్‌మెంట్‌లో నివాసం ఉంటున్నాడు. వారిది కేరళ రాష్ట్రం (Kerala State). మినిస్ట్రీ ఆఫ్ హెల్త్‌లో సైజు.. అంబులెన్స్ డ్రైవర్‌గా పని చేస్తుంటే.. అతని భార్య స్థానికంగా ఓ స్కూల్‌లో టీచర్‌గా పని చేస్తుంది. ఇద్దరు ఎంతో హ్యాపీగా ఉండే వారని చుట్టుపక్కల ఉండేవారు చెప్పారు.
అయితే, గురువారం ఉదయం ఈ జంట వారి నివాసంలో విగతజీవులుగా కనిపించారు. స్థానికుల ద్వారా తెలిసిన సమాచారం ప్రకారం.. సైజు వారు నివాసం ఉంటున్న అపార్ట్‌మెంట్ పైనుంచి దూకి ఆత్మహత్యకు పాల్పడినట్లు తెలిసింది. అలాగే భార్య శవం ఇంట్లో దొరికింది. ఇలా ఈ జంట చనిపోయి కనిపించడంతో చుట్టుపక్కల వారు షాక్ అయ్యారు. వారికి ఎలాంటి ఆర్థిక ఇబ్బందులు లేవని, ఎంతో అన్యోన్యంగా ఉండేవారని వారి కుటుంబ సభ్యులు చెబుతున్నారు. దాంతో అసలేం జరిగి ఉంటుందనేది తెలియాల్సి ఉంది. ఈ ఘటనపై కువైత్ పోలీసులు (Kuwait Police) కేసు నమోదు చేసి దర్యాప్తు చేస్తున్నారు.
Big Ticket draw: ఇద్దరు భారతీయులకు కలలో కూడా ఊహించనంత డబ్బు.. రాత్రికి రాత్రే కోట్లు వచ్చి పడ్డాయి..!
Updated Date - 2023-05-05T08:09:32+05:30 IST