Long Weekend in UAE: యూఏఈలో మరో లాంగ్ వీకెండ్.. ఈసారి ఏకంగా..
ABN, First Publish Date - 2023-09-13T10:45:34+05:30
ఈ ఏడాది ఈద్ అల్ ఫితర్ (Eid al-Fitr) సందర్భంగా యూఏఈ వాసులు ఏకంగా ఐదు రోజుల లాంగ్ వీకెండ్ వచ్చిన విషయం తెలిసిందే. ఇప్పుడు వారికి మరో మూడు రోజుల లాంగ్ వీకెండ్ రానుంది.
Long Weekend in UAE: ఈ ఏడాది ఈద్ అల్ ఫితర్ (Eid al-Fitr) సందర్భంగా యూఏఈ వాసులు ఏకంగా ఐదు రోజుల లాంగ్ వీకెండ్ వచ్చిన విషయం తెలిసిందే. ఇప్పుడు వారికి మరో మూడు రోజుల లాంగ్ వీకెండ్ రానుంది. ఈసారి మహమ్మద్ ప్రవక్త జన్మదినం సందర్భంగా వారికి లాంగ్ వీకెండ్ (Long Weekend) కలిసోస్తుంది. ఈ నెల 29న ప్రవక్త జన్మదినం వస్తుంది. ఆ తర్వాత సాధారణ వారంతం ఉంటుంది కనుక సెలవులు ఆదివారం వరకు ఉంటాయి. గల్ఫ్‌తో సహా చాలా ఇస్లామిక్ దేశాల్లో (Islamic Countries).. ఇస్లామిక్ క్యాలెండర్‌లో మూడో నెల 12 రబీ అల్-అవ్వల్ 1445న ప్రవక్త పుట్టినరోజును జరుపుకుంటారు. ఈ లాంగ్ వీకెండ్ తర్వాత ఏడాదిలో మిగిలిన రెండు సెలవులు డిసెంబర్ 2, 3 తేదీల్లో యూఏఈ జాతీయ దినోత్సవం సందర్భంగా ఉంటాయి. ఇక వచ్చే ఏడాది లాంగ్ ట్రిప్ ప్లాన్ చేయాలనకునే వారు 2024 ప్రథమార్ధంలో ఈద్ అల్ ఫితర్ కోసం తొమ్మిది రోజులపాటు సెలవులు వచ్చే అవకాశం ఉంది. ఖగోళ శాస్త్ర లెక్కల ఆధారంగా ఈద్ ఏప్రిల్ 10, 2024న ఉంటుంది అని విశ్లేషకులు అంచనా వేస్తున్నారు.
Kuwait: వారం వ్యవధిలో 989 మంది ప్రవాసుల దేశ బహిష్కరణ!
Updated Date - 2023-09-13T10:45:34+05:30 IST