Ram Charan: హాలీవుడ్ స్టార్‌తో పోల్చిన యాంకర్.. ఆసక్తికర రిప్లై ఇచ్చిన చరణ్..
ABN, First Publish Date - 2023-03-01T14:35:57+05:30
టాప్ డైరెక్టర్ ఎస్‌ఎస్. రాజమౌళి దర్శకత్వం వహించిన సినిమా ‘ఆర్ఆర్ఆర్’ (RRR). ఈ చిత్రం బాక్సాఫీస్ వద్ద సంచలన విజయం సాధించింది. వరల్డ్ వైడ్‌గా రూ.1200కోట్లకు పైగా వసూళ్లను కొల్లగొట్టింది. ఈ చిత్రంలో రామ్ చరణ్ (Ram Charan), జూనియర్ ఎన్టీఆర్ (Jr NTR) హీరోలుగా నటించారు
టాప్ డైరెక్టర్ ఎస్‌ఎస్. రాజమౌళి దర్శకత్వం వహించిన సినిమా ‘ఆర్ఆర్ఆర్’ (RRR). ఈ చిత్రం బాక్సాఫీస్ వద్ద సంచలన విజయం సాధించింది. వరల్డ్ వైడ్‌గా రూ.1200కోట్లకు పైగా వసూళ్లను కొల్లగొట్టింది. ఈ చిత్రంలో రామ్ చరణ్ (Ram Charan), జూనియర్ ఎన్టీఆర్ (Jr NTR) హీరోలుగా నటించారు. పలు ఇంటర్నేషనల్ అవార్డ్స్‌లో సత్తా చాటిన ఈ మూవీ ఆస్కార్ నామినేషన్‌ను దక్కించుకుంది. ఈ పురస్కారాలను అతి త్వరలోనే ప్రదానం చేయనున్నారు. ఈ నేపథ్యంలో రామ్ చరణ్ అమెరికాలో ప్రమోషన్స్ చేస్తున్నారు. ప్రమోషన్‌లో భాగంగా టీవీ షో యాంకర్ చరణ్‌ను హాలీవుడ్ నటుడితో పోల్చారు. అందుకు చెర్రీ కూడా ఆసక్తికర సమాధానమిచ్చారు.
ఆస్కార్ ప్రమోషన్స్‌లో భాగంగా రామ్ చరణ్ ఓ ఎంటర్‌టైన్‌మెంట్ ఛానల్‌కు ఇంటర్వ్యూ ఇచ్చారు. ఈ సందర్భంగా హోస్ట్ చరణ్‌ను పరిచయం చేస్తూ ‘బ్రాడ్ పిట్ ఆఫ్ ఇండియా’ (Brad Pitt of India)గా పిలిచారు. ఈ సందర్భంగా చరణ్ ఇచ్చిన సమాధానం ఆకట్టుకుంది. ‘‘నాకు బ్రాడ్ పిట్ అంటే చాలా ఇష్టం’’ అని చరణ్ చెప్పారు. చెర్రీ ఇచ్చిన సమాధానం అందరి హృదయాలను గెలుచుకుంది. అంతకు ముందు పాపులర్ అమెరికన్ టాక్ షో ‘గుడ్ మార్నింగ్ అమెరికా’ (Good Morning America)లో ఆయన పాల్గొన్నారు.
‘ఆర్ఆర్ఆర్’ లోని ‘నాటు నాటు’ (Naatu Naatu) బెస్ట్ ఒరిజినల్ సాంగ్ కేటగిరిలో ఆస్కార్ నామినేషన్‌ను దక్కించుకుంది. ఈ పాట ఇప్పటికే బెస్ట్ ఒరిజినల్ సాంగ్ కేటగిరిలో పురస్కారాన్ని కైవసం చేసుకుంది.
^^^^^^^^^^^^^^^^^^^^^^^^
ఇవి కూడా చదవండి:
Upasana: డెలివరీ రూమర్స్‌పై క్లారిటీ ఇచ్చిన ఉపాసన కామినేని
Ashwini Dutt: ‘ప్రాజెక్ట్ కె’ ఆసక్తికర సంగతులు చెప్పిన నిర్మాత.. మ్యూజిక్ డైరెక్టర్‌లో మార్పు..
RRR: ఇంటర్నేషనల్ అవార్డ్స్‌లో టామ్ క్రూజ్, బ్రాడ్ పిట్‌లతో పోటీ పడుతున్న రామ్ చరణ్, తారక్
Vishal: భారీ ప్రమాదం.. కొంచముంటే విశాల్ ప్రాణాలు పోయేవి.. వీడియో వైరల్
Nani: నెపోటిజానికి కారణం ప్రేక్షకులే..!
Updated Date - 2023-03-01T14:35:57+05:30 IST