Anand Mahindra Tweet: ఇది కదా అసలు సిసలు ఆనందమంటూ.. ఆనంద్ మహీంద్రా పోస్ట్.. వాళ్ల సంతోషానికి కారణమేంటంటే..!
ABN, First Publish Date - 2023-05-19T17:44:42+05:30
భారతీయులకు ఆనంద్ మహీంద్రాను ప్రత్యేకంగా పరిచయం చెయ్యక్కర్లేదు. ఎన్నెన్నో కొత్త విషయాలు, వింత విషయాలను సోషల్ మీడియాలో షేర్ చేస్తూ ఎప్పుడు యాక్టీవ్ గా ఉంటారాయన. తాజాగా ట్విట్టర్ లో ఈయనొక వీడియో పోస్ట్ చేశారు. 'ఇది కదా అసలు సిసలైన ఆనందం' అంటూ ఆయన చేసిన పోస్ట్..
భారతీయులకు ఆనంద్ మహీంద్రాను ప్రత్యేకంగా పరిచయం చెయ్యక్కర్లేదు. ఎన్నెన్నో కొత్త విషయాలు, వింత విషయాలను సోషల్ మీడియాలో షేర్ చేస్తూ ఎప్పుడు యాక్టీవ్ గా ఉంటారాయన. తాజాగా ట్విట్టర్ లో ఈయనొక వీడియో పోస్ట్ చేశారు. 'ఇది కదా అసలు సిసలైన ఆనందం' అంటూ ఆయన చేసిన పోస్ట్ సోషల్ మీడియాలో వైరల్ అవుతోంది. ఈ వీడియో చూసిన నెటిజన్లు 'ఆయన మాట సరైందే' అని అంటున్నారు. ఇంతకూ ఈ భారతీయ లెజెండ్ షేర్ చేసిన వీడియో ఏంటి? ఆయన అంత సంతోషపడటం వెనుక కారణం? ఏంటి పూర్తీగా తెలుసుకుంటే..
భారతదేశం ఆటోమొబైల్ రంగానికి(Indian Auto Mobile) ఆనంద్ మహీంద్రాకు(Anand Mahindra) మధ్య ఉన్న బాండింగ్ సాధారణమైంది కాదు. ఎన్నెన్నో కొత్త వాహనాలను ప్రజలకు అందించే మహీంద్రా సంస్థకు ప్రజల మన్నన చాలా ఉంది. కారు కొనడం ఎన్నో కుటుంబాల కల. ఈ కలను నెరవేర్చుకోవడానికి ఎన్నో పొదుపు పథకాలు ఫాలో అవుతారు, లోన్లు తీసుకుంటారు. మొత్తానికి తమ ఫేవరేట్ కారును కొన్నప్పుడు సంతోషం మాములుగా ఉండదు. చత్తీస్ గఢ్(Chhattisgarh) కు చెందిన ఓ కుటుంబం మహీంద్రా వారి స్కార్పియా-ఎన్ ఎస్‌యూవీ(Scorpio N SUV) ని కొనుగోలు చేశారు. షోరూమ్ వారు కారును డెలివరీ చేస్తున్నప్పుడు కారును కొన్న సదరు కుటుంబ సభ్యుల సంతోషం అంబరాన్నంటింది. వారు అందరూ ఎంతో ఉత్సాహంగా డ్యాన్స్ చేశారు. కుటుంబం మొత్తం అంత సంతోషంగా డ్యాన్స్ చేయడం వీడియోలో చూడొచ్చు. @CarNewsGuru1 అనే ట్విట్టర్ అకౌంట్ లో ఈ వీడియోను షేర్ చేశారు. ఈ వీడియో చూసిన ఆనంద్ మహీంద్రా చాలా సంతోషపడ్డారు.
Wife: ఇంట్లో గుక్కపట్టి ఏడుస్తున్న 3 నెలల కూతురు.. మీ అమ్మ ఎక్కడికెళ్లిందంటూ దిగాలుగా కూర్చున్న 8 ఏళ్ల కొడుకును ఆ తండ్రి అడిగితే..
anand mahindra అనే తన ట్విట్టర్ అకౌంట్ నుండి Car News Guru అనే ట్విట్టర్ అకౌంట్ లో పోస్ట్ అయిన వీడియోను షేర్ చేశారు. 'భారతదేశ ఆటో మొబైల్ రంగంలో పనిచేస్తున్నందుకు లభించే నిజమైన రివార్డ్ ఇదే.. అసలు సిసలు ఆనందం ఇదే' అని క్యాప్షన్ పెట్టారు. ఆనంద్ మహీంద్రా పెట్టిన పోస్ట్ ఆయన ఫాలోయర్స్ కు ఎప్పటిలాగే సంతోషాన్ని పంచింది. 'అన్నిరోజులు వెయిట్ చేశాక కారు తమ సొంతమైతే అంతే సార్.. ఆ మాత్రం చెయ్యకపోతే ఎలా?' అని నెటిజన్లు కామెంట్స్ చేస్తున్నారు. 'ఆ కారు కట్నం కింద వచ్చిందేమో అందుకే అంత సంతోషంగా ఉన్నారు' అని మరొకరు సరదాగా చమత్కారం చేశారు.
Old Woman: జిల్లా మేజిస్ట్రేట్‌ ఆఫీసులో 77 ఏళ్ల వృద్ధురాలు.. చేతిలో ఓ కాగితం.. దీనంగా అందరివైపూ చూపులు.. అసలేమైందని అడిగితే..!
Updated Date - 2023-05-19T17:44:42+05:30 IST