Bengalore: ఓయమ్మో.. ఎంత పెద్ద కొండచిలువో..!
ABN, First Publish Date - 2023-08-05T12:27:39+05:30
కొండచిలువ అంటే సాధారణంగా 10 నుంచి 15 అడుగులకు అటుఇటుగా చూస్తుంటాం. కానీ బళ్లారి(Bellary) నగరం కౌల్‌బజార్‌ సమీపంలోని
బళ్లారి, (ఆంధ్రజ్యోతి): కొండచిలువ అంటే సాధారణంగా 10 నుంచి 15 అడుగులకు అటుఇటుగా చూస్తుంటాం. కానీ బళ్లారి(Bellary) నగరం కౌల్‌బజార్‌ సమీపంలోని సూర్యకాలనీ వద్ద గురువారం రాత్రి సుమారు 35 నుంచి 40 అడుగుల పొడవు గల ఓ కొండచిలువ రోడ్డు దాటుతూ కనిపించింది. దానిని చూస్తేనే ఒళ్లు జలదరించేలా ఉంది. ఆ సమయంలో అటువైపు కారులో వెళుతున్న వాళ్లు దానిని చూసి భయంతో నిలిచిపోయారు. కొద్ది దూరంలో కారు ఆపేసి కొండ చిలువ వీడియో తీసి ఆటవీశాఖ అధికారుల సమాచారం అందించారు. ఇంత పెద్ద కొండచిలువ సాధారణంగా కొండ ప్రాంతాల్లో ఉంటుంది. కానీ ఊరిలోకి రావడంపై జనం బెంబేలెత్తిపోతున్నారు. ఎక్కడి నుంచి వచ్చి ఉంటుందనే దానిపై ఆటవీశాఖ అధికారులు కూడా ఆరా తీస్తున్నారు. సండూరు గనుల ప్రాంతం నుంచి వచ్చి ఉంటుందని అనుమానం వ్యక్తం చేశారు. ప్రస్తుతం కొండచిలువ బళ్లారి నగరంలోని సూర్య కాలనీ వద్ద ఉన్న ఒక డ్రైనేజీలో చేరుకుంది. దీన్ని పట్టుకునేందుకు అటవీశాఖ అధికారులు ప్రయత్నం చేస్తున్నారు.
Updated Date - 2023-08-05T12:27:39+05:30 IST