Viral Video: బాబూ.. ఇంత పైత్యం ఎందుకు? ఏ మాత్రం తేడా వచ్చినా ప్రాణం పోతుంది.. యువకుడి ప్రమాదకర స్టంట్‌పై ఆగ్రహం!
ABN, First Publish Date - 2023-08-27T15:47:42+05:30
సోషల్ మీడియాలో పాపులర్ అయ్యేందుకు నేటి యువతరం రకరకాల ప్రయత్నాలు చేస్తోంది. కొందరు మంచి ఐడియాలతో వీడియోలు రూపొందిస్తుంటే మరికొందరు ప్రాణాంతక సాహసాలు చేస్తూ భయాందోళన కలిగిస్తున్నారు. బైక్ స్టంట్లు చేసి ప్రాణాలు కోల్పోయిన వారు కూడా ఉన్నారు.
సోషల్ మీడియాలో (Social Media) పాపులర్ అయ్యేందుకు నేటి యువతరం రకరకాల ప్రయత్నాలు చేస్తోంది. కొందరు మంచి ఐడియాలతో వీడియోలు రూపొందిస్తుంటే మరికొందరు ప్రాణాంతక సాహసాలు (Stunts) చేస్తూ భయాందోళన కలిగిస్తున్నారు. బైక్ స్టంట్లు (Bike Stunts) చేసి ప్రాణాలు కోల్పోయిన వారు కూడా ఉన్నారు. అయినా చాలా మందిలో మార్పు రావడం లేదు. తాజాగా ఓ యువకుడు ప్రాణాంతక సాహసం చేసి ఆ వీడియోను సోషల్ మీడియాలో షేర్ చేశాడు. ఆ షాకింగ్ వీడియో వైరల్ (Viral video) అవుతోంది.
``ధూమ్-2`` సినిమాలోని హృతిక్ రోషన్ చేసిన దాని కంటే చాలా ప్రమాదకరమైన, కఠినమైన స్టంట్ (Dangerous stunt) చేశాడు ఓ యువకుడు. రోడ్డుపై వెళ్తున్న లారీ చక్రాల మధ్య ఓ యువకుడు నిల్చుని స్కేటింగ్ చేస్తున్నాడు. అతడి ముందు, వెనుక లారీ టైర్లు ఉన్నాయి (Skate between wheels of running truck). అతడి స్కేటింగ్ షూస్ చక్రాలు ఏ మాత్రం స్టక్ అయినా, అతడు ఏ మాత్రం బ్యాలెన్స్ తప్పినా, రోడ్డుపై ఏ మాత్రం గుంతలు ఉన్నా ప్రాణం పోవడం ఖాయం. ఈ వీడియో చూసి సోషల్ మీడియా జనాలు ఆశ్చర్యపోతున్నారు.
Viral Video: కిడ్నాపర్లను హడలెత్తించిన వీధి కుక్క.. ఆ బాలిక ఎలా బయటపడిందో మీరే చూడండి..!
meme_pharma02 అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది. ఈ వీడియో మిలియన్ల కొద్దీ వ్యూస్ దక్కించుకుంది. 1.5 లక్షల మందికి పైగా ఈ వీడియోను వీక్షించారు. ``వీడెవడో పిచ్చోడిలా ఉన్నాడు. వీడియో కోసం ఇంత రిస్క్ చేయాలా``, ``ఇంత మూర్ఖత్వమా``, ``రోడ్డు కొంచెం బాగోకపోయినా అతడు ముక్కలు ముక్కలైపోతాడు`` అంటూ నెటిజన్లు కామెంట్లు చేశారు.
Updated Date - 2023-08-27T15:47:42+05:30 IST