Death Escape: రోడ్డు పక్కన నిల్చుని ఏవో పేపర్లు చూస్తున్నాడో వ్యక్తి.. క్షణాల వ్యవధిలోనే ఏం జరిగిందో మీరే చూడండి..!
ABN, First Publish Date - 2023-06-15T10:06:21+05:30
ఇంటి నుండి బయటకు వెళ్ళిన తరువాత తిరిగి క్షేమంగా ఇంటికి చేరతామనే గ్యారెంటీ లేనే లేదు. ఓ వ్యక్తి రోడ్డు పక్కన నిలబడుకుని తన మానాన తాను పేపర్ చదువుకుంటూ ఉంటే..
ప్రస్తుతకాలంలో రహదారుల మీద ప్రమాదాలు చాలానే జరుగుతున్నాయి. ఇంటి నుండి బయటకు వెళ్ళిన తరువాత తిరిగి క్షేమంగా ఇంటికి చేరతామనే గ్యారెంటీ లేనే లేదు. ఇక పెద్ద పెద్ద నగరాల్లో ఈ ప్రమాదాలకు అడ్డు అదుపూ ఉండదు. యాక్సిడెంట్ల కారణంగా ప్రాణాలు కోల్పోతున్న కేసులు ఎక్కువగానే ఉంటున్నాయి. అయితే చావు రాసిపెట్టకపోతే ఎంత పెద్ద ప్రమాదం నుండి అయినా బయటపడవచ్చు. ఓ వ్యక్తి రోడ్డు మీద నిలబడుకుని తన మానాన తాను పేపర్ చదువుకుంటూ ఉంటే కోరలు చాచి మరీ మృత్యువు అతన్ని కబళించడానికి వచ్చింది. కానీ ఆ తరువాత జరిగిందేంటో చూస్తే ఆశ్చర్యపోతారు. సోషల్ మీడియాలో వైరల్ అవుతున్న ఈ వీడియోకు సంబంధించి పూర్తీ వివరాల్లోకి వెళితే..
ఎప్పుడైనా ఎవరైనా ప్రమాదాలనుండి తప్పించుకుంటే 'భూమ్మీద నూకలు ఇంకా మిగిలే ఉన్నాయ్' అనో.. 'గట్టి పిండం'అనో అనేస్తుంటాం. ఈ వ్యక్తికి అలాంటి మాట అవసరం అవుతుంది. వీడియోలో ఓ యువకుడు రహదారికి ఒకవైపు నిలబడుకుని ఉన్నాడు(man standing on road side). అక్కడ రేకులతో షాపు లాంటిదేదో సెట్ చేసి ఉన్నారు. అక్కడ నిలబడుకున్న అతని చేతిలో ఏవో పేపర్స్ ఉన్నాయి(papers on man hands). అతను నిలబడుకునే తన మానాన తాను పేపర్స్ చదువుకుంటున్నాడు. అప్పుడే ఉన్నట్టుండి ఆ రహదారిమీదుగా వెళుతున్న ఓ ట్రక్కు పక్కనే ఉన్న చెట్టు దగ్గరకు రాగానే బ్యాలెన్స్ తప్పింది. కుర్రాడు నిలబడుకున్నవైపు దూసుకొచ్చింది(truck jumped into young man). ట్రక్కు తనవైపు దూసుకురావడం అతను గమనింటేలోపే అది అతనిమీదకు వచ్చేసింది. షాపుకు, ట్రక్కుకు మధ్య అతను చిక్కుకుపోయాడు. ఇక అతను రెండింటి మధ్య నుజ్జు నుజ్జు అయిపోతాడని అనిపిస్తుంది. కానీ ట్రక్కు అతన్ని రాసుకుంటూ అతని ముందే ఆగిపోయింది. షాపుకు, ట్రక్కుకు మధ్య కేవలం అతను పట్టగలిగినంత కాస్త గ్యాప్ లో అతను ఉండిపోయాడు. ప్రమాదం తప్పిపోగానే బ్రతుకు జీవుడా అనుకుంటూ అక్కడినుండి పరుగుతీశాడు.
AC: ఏసీలు ఎందుకు కాలిపోతుంటాయ్..? ఈ 4 అంశాలే అసలు కారణాలు.. గది చల్లగానే ఉంది కదా అని పట్టించుకోరు కానీ..!
ఈ వీడియోను Out of Context Human Race అనే ట్విట్టర్ అకౌంట్ నుండి షేర్ చేశారు. ఈ వీడియో చూసిన నెటిజన్లు షాకవుతున్నారు. 'ఈ సీసీ కెమెరా ఫుటేజ్ చూస్తే తప్ప అతను అంత పెద్ద ప్రమాదం నుండి బయటపడ్డానని చెబితే ఎవరూ నమ్మరు' అని ఒకరు కామెంట్ చేశారు. 'దేవుడికి అతనంటే చాలా ఇష్టంలాగుంది, అందుకే అతనికిఏమీ కాలేదు' అని మరొకరు కామెంట్ చేశారు. 'అతను పారిపోయిన తరువాత మళ్ళీ ఆ పేపర్ చదువుతూ ఉన్నాడేమో.. బహుశా అతను చదువుతున్నది అంత ఇంటరెస్ట్ గా ఉన్నట్టుంది' అంటూ మరికొందరు రోడ్డు మీద నిలబడుకుని అలా పేపర్స్ చదవడం గురించి పంచ్ లు వేస్తున్నారు.
Bathing: రోజుకు రెండుసార్లు స్నానం చేస్తున్నా సరే.. అందరూ కామన్‌గా చేసే ఒకే ఒక్క మిస్టేక్ ఇదే.. తప్పు చేస్తున్నామని తెలియకుండానే..!
Updated Date - 2023-06-15T10:18:38+05:30 IST