Viral Video: పెళ్లి రోజే వధువుకు షాకింగ్ సీన్... అనుమానం వచ్చి పరుగు పరుగున వెళ్లి క్యారవ్యాన్‌లోకి తొంగిచూడగా..
ABN, First Publish Date - 2023-10-08T18:44:11+05:30
ఒకరిని ప్రేమించి మరొకరిని పెళ్లి చేసుకునే వారిని చూశాం. అదేవిధంగా కట్టుకున్న భార్యను వదిలేసి ప్రేమించిన అమ్మాయితో వెళ్లిపోయిన వారిని కూడా చూశాం. ఇలాంటి ఘటనలకు సంబంధించిన వార్తలు సోషల్ మీడియాలో తెగ వైరల్ అవుతుంటాయి. తాజాగా..
ఒకరిని ప్రేమించి మరొకరిని పెళ్లి చేసుకునే వారిని చూశాం. అదేవిధంగా కట్టుకున్న భార్యను వదిలేసి ప్రేమించిన అమ్మాయితో వెళ్లిపోయిన వారిని కూడా చూశాం. ఇలాంటి ఘటనలకు సంబంధించిన వార్తలు సోషల్ మీడియాలో తెగ వైరల్ అవుతుంటాయి. తాజాగా, వివాహం జరుగుతున్న రోజే చోటు చేసుకున్న విచిత్ర ఘటనకు సంబంధించిన వీడియో చక్కర్లు కొడుతోంది. పెళ్లి రోజే ఓ వధువుకు అనుమానం కలిగింది. దీంతో మంటపం నుంచి పరుగుపరుగున బయటకు వెళ్లింది. చివరకు క్యారవ్యాన్‌లో చూడగా షాకింగ్ దృశ్యం కనిపించింది.
సోషల్ మీడియాలో ఓ వీడియో (Viral videos) తెగ వైరల్ అవుతోంది. ఓ వివాహ వేడుకకు (wedding ceremony) బంధువులు, సన్నిహితులు, స్నేహితుల సమక్షంలో ఘనంగా ఏర్పాట్లు చేశారు. వధువు (bride) సంప్రదాయ దుస్తుల్లో ముస్తాబై స్నేహితులతో పాటూ వివాహ వేదిక వద్దకు చేరుకుంది. అయినా వరుడు (groom) మాత్రం ఎంతకీ అక్కడికి రాలేదు. దీంతో బంధువులతో పాటూ వధువు కూడా వరుడి రాక కోసం ఎదురు చూస్తోంది. అయినా అతను ఎంతసేపటికీ రాకపోవడంతో వధువుకు అనుమానం కలిగింది. కాసేపటికి బయట క్యారవ్యాన్‌లో ఎవరో ఉన్నట్లు తెలియడంతో పరుగుపరుగున అక్కడికి చేరుకుంది. అయితే వ్యాన్ డోర్లు మూసి ఉండడంతో లోపల ఎవరు ఉన్నారో అర్థం కాలేదు.
అద్దాల నుంచి తొంగిచూసినా లోపల ఎవరూ కనపడకపోయేసరికి.. డోర్లు తీయాలని చూసినా రాలేదు. దీంతో చివరకు వ్యాన్ వెనక్కు వెళ్లి చూడగా షాకింగ్ దృశ్యం కనిపించింది. క్యారవ్యాన్‌లో వరుడు మరో అమ్మాయితో అసభ్యకర రీతిలో ఉండడం చూసి దిగ్భ్రాంతికి గురైంది. మోసపోయానంటూ అక్కడి నుంచి ఏడ్చుకుంటూ వెళ్లిపోయింది. దీంతో బంధువులంతా ఆమె వద్దకు చేరుకుని ఓదార్చారు. ఈ ఘటనకు సంబంధించిన వీడియో ప్రస్తుతం సోషల్ మీడియాలో తెగ వైరల్ అవుతోంది. దీనిపై నెటిజన్లు వివిధ రకాలుగా స్పందిస్తున్నారు. ‘‘ఇలాంటి వాడితో పెళ్లి కాకపోవడమే మేలు’’.. అని కొందరు, ‘‘పెళ్లికి ముందే అతడి నిర్వాకం బయటపడడం మంచిదైంది’’.. అని మరికొందరు, ‘‘ఇలాంటి వారిని కఠినంగా శిక్షించాలి’’.. అని మరికొందరు కామెంట్లు చేస్తున్నారు. ఈ వీడియోకు ఒకే రోజు 21మిలియన్లకు పైగా వ్యూస్ వచ్చాయి.
Updated Date - 2023-10-08T18:44:11+05:30 IST