Hypnosis: బాబోయ్.. ఇదేం ట్విస్టు.. ఏకంగా పోలీసునే హిప్నాటిజం చేసేశాడుగా.. అసలేం చేశాడో చూస్తే అవాక్కవడం ఖాయం..!
ABN, First Publish Date - 2023-11-21T16:29:01+05:30
ఓ కుర్రాడు వీధిలో తిరుగుతూ ఏకంగా పోలీసునే హిప్నటైజ్ చేశాడు. ఈ వీడియో చూస్తే అవాక్కవుతారు.
వైద్యశాస్త్రం చాలా విచిత్రమైంది. శరీరానికి అనారోగ్యం చేస్తే మందులిస్తారు, ఇంజక్షన్లు వేస్తారు, కొన్ని సందర్బాలలో ఆపరేషన్లు చేసి అవయవాలను బాగు చేస్తారు. కానీ మానసిక వైద్యం దీనికి పూర్తిగా విభిన్నం. మానసిక వైద్యం చేయడానికి చాలామంది మానసిక వైద్యులు కౌన్సెలింగ్ ఇస్తారు. మనుషుల్లో లోతుగా పాతుకుపోయిన సమస్యలను తెలుసుకోవడానికి హిప్నటైజ్ కూడా చేస్తారు. ఓ కుర్రాడు వీధిలో తిరుగుతూ ఏకంగా పోలీసునే హిప్నటైజ్ చేస్తున్న వీడియో ఇప్పుడు సోషల్ మీడియాలో వైరల్ అవుతోంది. హిప్నటైజ్ ద్వారా ఈ కుర్రాడు చేసిన పని చూస్తే నిజంగా అవాక్కవుతారు. ఈ వీడియో చూసిన నెటిజన్లు షాకవుతున్నారు. దీనికి సంబంధించి పూర్తీ వివరాల్లోకి వెళితే..
స్వర్గీయ నటుడు నందమూరి తారకరత్న(Nandamuri Taraka Ratna) విలన్ పాత్ర పోషించిన అమరావతి(Amaravathi) అనే సినిమా చూశారా? ఈ సినిమాలో తారకరత్నను పోలీసులు జైల్లో పెడితే ఆ పోలీసులనే హిప్నటైజ్ చేసి వారు తెలివి కోల్పోయాక జైలు నుండి తప్పించుకుంటాడు. నేరాలు చేసి తిరిగి జైల్లోకి వచ్చి తనకు ఏమీ తెలీనట్టు నటిస్తాడు. అసలు క్రైమ్ సంఘటనకు ఎలాంటి సంబంధం లేకపోయినా ఓ వ్యక్తి రియల్ గా పోలీసునే హిప్నటైజ్ చేశాడు. వీడియోలో వీధిలో పోలీసులు, వారి ముందు ఓ వ్యక్తి కనిపిస్తాడు. ఆ వ్యక్తి ఎవరి మనసులో అయినా ఏ విషయం ఉన్నా దాన్ని మరచిపోయేలా చేయగలనని చెబుతాడు. వీడియోలో వ్యక్తి ఒక పోలీసుతో 'మీకు ఇష్టమైన పేరును మీ మనసులో తలచుకోండి' అని చెబుతాడు. అతనలా తలచుకున్న తరువాత 'మీరు మీ కూతురిని ఎక్కువగా ప్రేమిస్తున్నారు, ఆమె పేరు తలచుకున్నారు' అని చెబుతాడు. అప్పుడు పోలీసు నవ్వుతూ నిజమేనని ఒప్పుకుంటాడు. ఆ తరువాత హిప్నటైజ్ చేస్తున్న వ్యక్తి తన చేత్తో పోలీసు మెదడు దగ్గర ఏదో తీసేసినట్టు చేత్తో అలా తీసి విసిరేస్తాడు. ఆ తరువాత మీ కూతురి పేరు చెప్పండి అని అడుగుతాడు. పోలీస్ అధికారి తన కూతురు పేరు చెప్పలేకపోతాడు. అతను తన కూతురి పేరు కోసం చాలా ఆలోచిస్తూ సతమతం అవుతాడు. ఆ తరువాత హిప్నటైజ్ చేస్తున్న వ్యక్తి తన చేత్తో పోలీసు అధికారి మెదడులోకి ఏదో జొప్పించినట్టు చేసి చిటికె వేస్తాడు. ఆ తరువాత మీ కూతురు పేరు చెప్పండి అని అడిగుతాడు. అప్పుడు ఆ పోలీసు అధికారికి తన కూతురు పేరు గుర్తొస్తుంది. తన కూతురు పేరు ఉష అని చెబుతాడు. ఇలా ఓ వ్యక్తి పోలీసునే హిప్నటైజ్ చేసి అందరినీ ఆశ్చర్యపరిచాడు.
ఇది కూడా చదవండి: బెల్లం, నెయ్యిని భోజనం చేశాక ఎందుకు తినాలంటే..
ఈ వీడియోను aryachandel అనే వ్యక్తి తన ఇన్స్టాగ్రామ్(Instagram) అకౌంట్ లో షేర్ చేశాడు. ఈ వీడియో చూసిన నెటిజన్లు ఆశ్చర్యపోతున్నారు. దీని గురించి పలువిధాలుగా కామెంట్ చేస్తున్నారు. 'లవ్ లో బ్రేకప్ అయిన ఎంతో మంది తమ మనసులో పేర్లను మర్చిపోవడానికి ఇతన్ని సంప్రదించవచ్చు' అని ఒకరు కామెంట్ చేశారు. 'బ్రదర్ రెండు లక్షల రూపాయలు ఇస్తాను, దయచేసి నేను ఒక పేరును మరచిపోయేలా చెయ్యి' అని మరొకరు కామెంట్ చేశారు. 'బ్యాంకులో అప్పు తీసుకున్నాను, దయచేసి బ్యాంకు వారు నా పేరు మర్చిపోయేలా చెయ్యండి' అని చాలా ఫన్నీగా ఇంకొకరు కామెంట్ చేశారు.
ఇది కూడా చదవండి: ఇళ్లల్లో మనీ ప్లాంట్‌.. చాలా మంది చేసే బిగ్ మిస్టేక్ ఏంటంటే..!
Updated Date - 2023-11-21T16:29:05+05:30 IST