Video: రోడ్డుపై ఆకతాయిల చిల్లర వేషాలు.. సైక్లిస్ట్‌కి ఏమైందో చూడండి
ABN, Publish Date - Dec 14 , 2023 | 02:01 PM
కొందరు ఆకతాయిల చిల్లర చేష్టలు మరొకరి ప్రాణాలకు ముప్పు తీసుకొచ్చే ఘటనలు నిత్యం ఎన్నో చూస్తూనే ఉంటాం. సరిగ్గా అలాంటి ఘటనే ఢిల్లీలో జరిగింది. సదరు వీడియో సోషల్ మీడియా(Social Media)లో వైరల్ గా మారింది.
ఢిల్లీ: కొందరు ఆకతాయిల చిల్లర చేష్టలు మరొకరి ప్రాణాలకు ముప్పు తీసుకొచ్చే ఘటనలు నిత్యం ఎన్నో చూస్తూనే ఉంటాం. సరిగ్గా అలాంటి ఘటనే ఢిల్లీలో జరిగింది. సదరు వీడియో సోషల్ మీడియా(Social Media)లో వైరల్ గా మారింది. వీడియోలో ఉన్న వివరాల ప్రకారం.. ఢిల్లీలోని సిగ్నీచర్ బ్రిడ్జిపై ఓ వ్యక్తి ఆటోలో కాళ్లు ఉంచి బయటివైపు నిలబడి పాటలకు డ్యాన్స్ చేస్తూ ఉన్నాడు. దీనిని వెనకే వస్తున్న ఓ బైకర్ వీడియో తీస్తున్నాడు. ఆటోని డ్రైవర్ చాలా వేగంగా నడుపుతున్నాడు.
అదే సమయంలో బ్రిడ్జిపై నుంచి ఓ సైక్లిస్ట్ వెళ్తున్నాడు. ఆటో బయట నిలబడి డ్యాన్స్ చేస్తున్న వ్యక్తి సైక్లిస్టుని బలంగా తాకాడు. ఈ ఘటనలో సైక్లిస్టు అదుపుతప్పి కింద పడిపోయాడు. ఆయనకు స్వల్పగాయాలయ్యాయి. అయితే వెనక ఎలాంటి వాహనాలు రాకపోవడంతో పెను ప్రమాదం తప్పింది. ఇందుకు సంబంధించిన వీడియో సోషల్ మీడియాలో వైరల్(Viral Video) అవుతోంది. ఆకతాయిలపై నెటిజన్లు ఆగ్రహం వ్యక్తం చేస్తున్నారు. ఇలాంటి వారిపై కఠిన చర్యలు తీసుకోవాలని కోరుతున్నారు. సదరు బ్రిడ్జీని సీఎం అరవింద్ కేజ్రీవాల్ 2018లో ప్రారంభించారు.
Updated Date - Dec 14 , 2023 | 02:02 PM
