Funny Video: హాయిగా పడుకున్న కుక్కలను కాళ్లతో తంతూ కెలికిందో అమ్మాయి.. విసుగొచ్చి ఓ శునకం ఏం చేసిందో చూస్తే నవ్వాపుకోలేరు..!
ABN, First Publish Date - 2023-04-19T16:20:16+05:30
తెలిసీతెలీని వయసులో కొందరు పిల్లల చేష్టలు చిత్రవిచిత్రంగా ఉంటాయి. ఎంత చెప్పినా వినకుండా మారాం చేసేవారు కొందరైతే.. తోటి పిల్లలు, జంతువుల పట్ల ఆకతాయిలు చేష్టలు చేసే వారు మరికొందరు ఉంటారు. ఈ క్రమంలో వారు చేసే పనులు కొన్నిసార్లు..
తెలిసీతెలీని వయసులో కొందరు పిల్లల చేష్టలు చిత్రవిచిత్రంగా ఉంటాయి. ఎంత చెప్పినా వినకుండా మారాం చేసేవారు కొందరైతే.. తోటి పిల్లలు, జంతువుల పట్ల ఆకతాయిలు చేష్టలు చేసే వారు మరికొందరు ఉంటారు. ఈ క్రమంలో వారు చేసే పనులు కొన్నిసార్లు కోపం తెప్పిస్తే.. మరికొన్నిసార్లు తెగ నవ్వు తెప్పిస్తుంటాయి. ప్రస్తుతం సోషల్ మీడియా అందుబాటులో ఉంది కాబట్టి.. ఎక్కడ ఏమూల ఇలాంటి చిన్న ఘటనలు చోటు చేసుకున్నా.. ఇట్టే వైరల్ అయిపోతుంటాయి. ప్రస్తుతం ఓ చిన్న పాపకు సంబంధించిన ఫన్నీ వీడియో నెట్టింట తెగ చక్కర్లు కొడుతోంది. హాయిగా పడుకున్న రెండు కుక్కలను ఓ అమ్మాయి.. కాళ్లతో తన్ని మరీ ఇబ్బంది పెడుతుంది. దీంతో చివరకు వాటిలో ఓ కుక్క చేసిన పని చూసి అంతా తెగ నవ్వుకుంటున్నారు..
సోషల్ మీడియాలో ఓ వీడియో వైరల్‌గా (Viral videos) మారింది. ఇసుక మీద రెండు పెంపుడు కుక్కలు (dogs) హాయిగా పడుకుని రెస్ట్ తీసుకుంటూ ఉంటాయి. అక్కడే ఆడుకుంటున్న ఓ బాలిక (girl) దృష్టి వాటిపై పడుతుంది. అసలే తెలిసీ తెలీని వయసు కావడంతో.. వాటి వద్దకు వెళ్లి పడుకుంటుంది. పడుకున్న అమ్మాయి పడుకున్నట్లుగా ఉండకుండా తనలోని పిల్ల చేష్టలను బయటకు తీస్తుంది. రెండు కుక్కలనూ రెండు కాళ్లతో తన్నుతూ బాగా ఇబ్బంది పెడుతుంది. వాటిలో ఓ కుక్క బాగా నిద్రపోతూ ఉంటుంది. బాలిక బాలిక పదే పదే తన్నుతూ ఉండడంతో ఉన్నట్టుండి ఉలిక్కిపడి పైకి లేస్తుంది. బాలిక చేసిన పని చూసి ‘‘ హాయిగా పడుకుని ఉంటే నీ గోలేంటీ.. ఉండు నీ పని చెబుతా’’.. అన్నట్లుగా పైకి లేచి ఒకసారి చెవులు గట్టిగా విదిలించుకుంటుంది.
పైకి లేచిన కుక్క.. ఏం చేస్తుందబ్బా.. అని అనుకునే లోపే, ముందు కాళ్లతో ఇసుకను తవ్వి బాలికపై పడేలా విరజిమ్ముతుంది. ఇలా వేగంగా రెండు కాళ్లతో ఇసుకను వెదజల్లుతుంది. దీంతో అప్పటిదాకా కుక్కలను ఇబ్బంది పెట్టిన బాలిక.. పైకి లేచి వద్దు నన్ను వదిలేయ్.. అనుకుంటూ అక్కడి నుంచి పాకుతూ వెళ్లిపోతుంది. బాలిక అక్కడి నుంచి దూరంగా వెళ్లే వరకూ కుక్క ఇసుకను తవ్వుతూనే ఉంటుంది. ఈ ఘటనను అక్కడే ఉన్న ఓ వ్యక్తి వీడియో తీసి, సోషల్ మీడియాలో షేర్ చేశాడు. ప్రస్తుతం ఈ వీడియో తెగ వైరల్ అవుతోంది. దీనిపై నెటిజన్లు ఫన్నీ ఫన్నీ కామెంట్లు పెడుతున్నారు.
Updated Date - 2023-04-19T16:20:16+05:30 IST