Viral Video: ఆకాశంలో పారాచూట్ చిక్కుపడడంతో.. భూమి పైకి దూసుకొచ్చిన వ్యక్తి.. ఇక మరణం ఖాయం అనుకుంటున్న సమయంలో హఠాత్తుగా..
ABN, First Publish Date - 2023-08-24T12:46:07+05:30
కొందరు వారు ఎంచుకున్న రంగంలో ఎన్ని అవాంతరాలు ఎదురైనా ధైర్యంగా అదిగమిస్తూ ముందుకు వెళ్తుంటారు. కొందరైతే ప్రమాదాలు జరిగినా మళ్లీ తట్టుకుని నిలబడి.. వారు ఎంచుకున్న మార్గంలోనే ముందుకు వెళ్తుంటారు. ఈ క్రమంలో కొన్నిసార్లు ఊహించని ఘటనలు చోటు చేసుకుంటుంటాయి. ప్రస్తుతం...
కొందరు వారు ఎంచుకున్న రంగంలో ఎన్ని అవాంతరాలు ఎదురైనా ధైర్యంగా అదిగమిస్తూ ముందుకు వెళ్తుంటారు. కొందరైతే ప్రమాదాలు జరిగినా మళ్లీ తట్టుకుని నిలబడి.. వారు ఎంచుకున్న మార్గంలోనే ముందుకు వెళ్తుంటారు. ఈ క్రమంలో కొన్నిసార్లు ఊహించని ఘటనలు చోటు చేసుకుంటుంటాయి. ప్రస్తుతం స్కైడైవింగ్ చేస్తున్న వ్యక్తికి ఊహించని అనుభవం ఎదురైంది. ఆకాశంలో డైవింగ్ చేస్తుండగా.. ఉన్నట్టుండి పారాచూట్ దారాలు ఒకదానిలో ఒకటి పడి చిక్కుకుపోయాయి. దీంతో ఒక్కసారిగా అతను నియంత్రణ కోల్పోయి భూమి వైపు వేగంగా దూసుకొచ్చాడు. అయితే తీరా నేలని తాకే సమయంలో ఊహించన ఘటన చోటు చేసుకుంది. ఈ వీడియో ప్రస్తుతం నెట్టింట తెగ వైరల్ అవుతోంది.
సోషల్ మీడియాలో స్కైడైవింగ్ సంబంధించిన వీడియో (Viral video) ఒకటి తెగ వైరల్ అవుతోంది. ఓ వ్యక్తి విమానంలో ఆకాశంలోకి వెళ్లి.. అక్కడి నుంచి స్కైడైవింగ్ (Skydiving) చేస్తాడు. మరోవైపు చేతిలోని కెమెరాను ఆన్ చేసుకుని, ఆకాశంలో అందాలను వీక్షిస్తూ విహరిస్తుంటాడు. అయితే ఇలాంటి సంతోషకర సమయంలో షాకింగ్ ఘటన (Shocking incident) చోటు చేసుకుంటుంది. అప్పటిదాకా సవ్యంగా ఉన్న పారాచ్యూట్.. గాలి దాటికి ఒక్కసారిగా దాని దారాలన్నీ మెలితిరిగిపోయాయి. పారాచ్యూట్ పూర్తిగా ముడుచుకుపోవడంతో అతను ఒక్కసారిగా అదుపుతప్పి వేగంగా కిందకు దూసుకొస్తాడు.
కనుచూపు మేరలో నేల ఉందనగా.. అప్పటికీ పారాచ్యూట్ తెరుచుకోదు. ఇక దాదాపు ప్రాణాలు పోతాయనుకున్న సమయంలో మిరాకిల్ జరుగుతుంది. మరో పారాచ్యూట్ ఓపెన్ చేసుకోవడంతో ఎట్టకేలకు క్షేమంగా నేలపై ల్యాండ్ అవుతాడు. కాస్త కుదుపులకు లోనై స్వల్వ గాయాలతో బయటపడిపోతాడు. ఈ ఘటన మొత్తం కెమెరాలో రికార్డు అవుతుంది. దీనిపై నెటిజన్లు షాకింగ్ కామెంట్లు చేస్తున్నారు. ‘‘వామ్మో! అలాంటి పరిస్థితుల్లోనూ ధైర్యం కోల్పోకుండా ఇతను ప్రవర్తించిన తీరు అద్భుతం’’.. అంటూ కొందరు, ‘‘ఇతడి టైం బాగుంది’’.. అని మరికొందరు కామెంట్లు చేస్తున్నారు. ఈ వీడియో ప్రస్తుతం 3 మిలియన్లకు పైగా వ్యూస్‌ను సొంతం చేసుకుంది.
Updated Date - 2023-08-24T12:46:07+05:30 IST