Seema Haider: అసలు ఇతడిలో ఏం చూసి ఇష్టపడ్డావమ్మా అని సీమా హైదర్‌ను ఆమె స్నేహితులు అడిగితే..!
ABN, First Publish Date - 2023-07-29T16:49:56+05:30
ఆ యువతి పేరు సీమా హైదర్. పాకిస్థాన్‌కు చెందిన ఆ యువతికి సోషల్ మీడియా ద్వారా భారత్‌కు చెందిన సచిన్ మీనా అనే యువకుడు పరిచయమయ్యాడు. ముందు ఆన్‌లైన్ గేమ్ ద్వారా కలుసుకున్న వీరి మధ్య క్రమంగా స్నేహం మొదలైంది. అది కాస్తా ప్రేమగా మారింది. చివరకు సచిన్‌ను పెళ్లి చేసుకునేందుకు ఆమె అక్రమంగా సరిహద్దు దాటి భారత్‌లోకి ప్రవేశించింది.
ఆ యువతి పేరు సీమా హైదర్ (Seema Haider). పాకిస్థాన్‌ (Pakisthan)కు చెందిన ఆ యువతికి సోషల్ మీడియా ద్వారా భారత్‌కు చెందిన సచిన్ మీనా (Sachin Meena) అనే యువకుడు పరిచయమయ్యాడు. ముందు ఆన్‌లైన్ గేమ్ ద్వారా కలుసుకున్న వీరి మధ్య క్రమంగా స్నేహం మొదలైంది. అది కాస్తా ప్రేమగా మారింది. చివరకు సచిన్‌ను పెళ్లి చేసుకునేందుకు ఆమె అక్రమంగా సరిహద్దు దాటి భారత్‌లోకి ప్రవేశించింది. అక్రమంగా ప్రవేశించిందనే కారణంతో ఆమెను యూపీ పోలీసులు అరెస్ట్ చేశారు. ఆమెతో పాటు సచిన్ ను, ఆయన తండ్రిని కూడా విచారిస్తున్నారు.
అసలు సచిన్ కోసం సీమా హైదర్ ఎందుకంత సాహసం చేసింది? అసలు అతడిలో ఏం చూసి ప్రేమించింది? స్నేహితులు ఆడిగిన ఆ ప్రశ్నలకు సీమా హైదర్ సమాధానం చెప్పింది. @shhuushh_ అనే ట్విటర్ హ్యాండిల్‌లో షేర్ అయిన ఆ వీడియో సోషల్ మీడియాలో వైరల్ అయింది. ``అతను నా హీరో. నా కళ్లతో చూస్తే అతడిలోని అందం కనబడుతుంది. అతడిది చిన్న పిల్లాడి మనస్తత్వం. నాకు సంబంధించినంత వరకు సచిన్ అద్భుతమైన వ్యక్తి`` అని సీమా పేర్కొంది. ఈ వీడియోను ఇప్పటివరకు 21 వేల మంది వీక్షించారు (Viral Video).
Snake Video: అమ్మ బాబోయ్.. వీడికెంత ధైర్యం.. షాంపూతో పాముకు స్నానం చేయిస్తున్నాడు..!
సీమా హైదర్‌కు పాకిస్తాన్ ఆర్మీతో సంబంధాలు ఉన్నాయని, భారత్ కి వచ్చేందుకు ఆమెకు ఎవరో సహాయం చేశారని పోలీసులు అనుమానిస్తున్నారు. ఇందుకు సంబంధించి ఎలాంటి వాస్తవాలు బయటకు రాలేదు. అయితే ఆమె భారత్ కి వచ్చాక ఇద్దరు వ్యక్తులు సహాయం చేసినట్లు పోలీసుల విచారణలో తేలింది. ఆమె సచిన్‌ను వివాహం చేసుకునేందుకు వీలుగా నకిలీ ఆధార్ కార్డులను, ఇతర పత్రాలను తయారు చేసినట్టు తెలుసుకున్నారు. ఆ ఇద్దరినీ అదుపులోకి తీసుకున్నారు.
Updated Date - 2023-07-29T16:49:56+05:30 IST