యువతి బంధువునంటూ అంబులెన్స్ ఎక్కాడు.. ఆస్పత్రిలో అపస్మారక స్థితిలో ఉండగా.. ఆమెకు సేవలు చేస్తూనే..
ABN, First Publish Date - 2023-02-07T19:39:53+05:30
మహిళలను తమ దారికి తెచ్చుకునే క్రమంలో చాలా మంది యువకులు.. ఎంతటి దారుణాలు చేయడానికైనా వెనుకాడడం లేదు. కొందరు మాయమాటలు చెప్పి మోసం చేస్తుంటే.. మరికొందరు బలాత్కారానికి పాల్పడుతున్నారు. ఇలాంటి ఘటనలు..
మహిళలను తమ దారికి తెచ్చుకునే క్రమంలో చాలా మంది యువకులు.. ఎంతటి దారుణాలు చేయడానికైనా వెనుకాడడం లేదు. కొందరు మాయమాటలు చెప్పి మోసం చేస్తుంటే.. మరికొందరు బలాత్కారానికి పాల్పడుతున్నారు. ఇలాంటి ఘటనలు ఇటీవల పెరిగిపోయాయి. కేరళలో ఓ యువతి విషయంలో దారుణం జరిగింది. యువతి బంధవునంటూ ఓ వ్యక్తి అంబులెన్స్ ఎక్కాడు. ఆస్పత్రిలో అపస్మారక స్థితిలో ఉండగా.. సేవలు చేస్తున్నట్లు నటిస్తూ చివరకు దారుణానికి పాల్పడ్డాడు. ఇంతకీ అసలు ఏం జరిగిందంటే..
కేరళలోని (Kerala) త్రిసూర్ మెడికల్ కళాశాల ఆస్పత్రిలో ఈ ఘటన చోటు చేసుకుంది. కాపమంగళానికి చెందిన ఓ యువతి (woman) గత శుక్రవారం విషం (poison) తాగింది. దీంతో ఆమెను చికిత్స నిమిత్తం కొడంగల్లూర్ ఆస్పత్రికి తరలించారు. ఇదే ఆస్పత్రిలో ఎలక్ట్రీషియన్‌గా (Electrician) పని చేస్తున్న దయాలాల్ అనే యువకుడు.. మహిళపై కన్నేశాడు. ఆమె తన బంధువు అని అందరినీ నమ్మించాడు. తర్వాత సదరు యువతిని మెరుగైన చికిత్స కోసం త్రిసూర్ మెడికల్ కళాశాల (Thrissur Medical College) ఆస్పత్రికి రెఫర్ చేశారు. దీంతో అంబులెన్స్‌లో (Ambulance) ఆమె వెంట దయాలాల్ కూడా వెళ్లాడు.
త్రిసూర్ ఆస్పత్రిలో చేర్చిన తర్వాత.. ఆమె వద్దే ఉంటూ సపర్యలు చేస్తున్నట్లు నటించాడు. తర్వాత రోజు ఆస్పత్రిలో అపస్మారక స్థితిలో (unconsciousness) ఉన్న యువతిపై నిందితుడు అత్యాచారానికి (sexual assault) పాల్పడ్డాడు. తర్వాత జరిగిన విషయం గురించి తెలుసుకున్న బాధితురాలు ఆస్పత్రి సిబ్బందికి తెలియజేసింది. సమాచారం అందుకున్న పోలీసులు.. అక్కడికి చేరుకుని విచారించారు. నిందితుడు దయాలాల్‌ను అదుపులోకి తీసుకుని, వివిధ సెక్షన్ల కింద కేసులు నమోదు చేశారు. ఈ ఘటన స్థానికంగా తీవ్ర సంచలనం సృష్టించింది.
Updated Date - 2023-02-07T19:46:43+05:30 IST