India vs Sri Lanka: కోహ్లీ సూపర్ సెంచరీ.. పరుగులు పెడుతున్న స్కోరు
ABN, First Publish Date - 2023-01-15T16:57:50+05:30
మూడు వన్డేల సిరీస్‌లో భాగంగా ఇక్కడి గ్రీన్‌ఫీల్డ్ ఇంటర్నేషనల్ స్టేడియంలో
తిరువనంతపురం: మూడు వన్డేల సిరీస్‌లో భాగంగా ఇక్కడి గ్రీన్‌ఫీల్డ్ ఇంటర్నేషనల్ స్టేడియంలో శ్రీలంక(Sri Lanka)తో జరుగుతున్నచివరి వన్డేలో విరాట్ కోహ్లీ (Virat Kohli) చెలరేగిపోయాడు. 85 బంతుల్లో 10 ఫోర్లు, సిక్సర్‌తో వన్డేల్లో 46వ సెంచరీ నమోదు చేశాడు. ఓవరాల్‌గా ఇది 74వ సెంచరీ. కాగా, గువాహటిలో శ్రీలంకతో జరిగిన తొలి వన్డేలోనూ కోహ్లీ సెంచరీ నమోదు చేశాడు. ఆ మ్యాచ్‌లో కోహ్లీ 87 బంతుల్లో 12 ఫోర్లు, సిక్సర్‌తో 113 పరుగులు చేశాడు.
అంతకుముందు ఓపెనర్ శుభమన్ గిల్ (Shubnam Gill) కూడా సెంచరీ బాదాడు. 97 బంతుల్లో 14 ఫోర్లు, 2 సిక్సర్లతో 116 పరుగులు చేసిన గిల్ రజిత బౌలింగ్‌లో బౌల్డయ్యాడు. కెప్టెన్ రోహిత్ శర్మ (Rohit Sharma) 42 పరుగులు చేశాడు. ప్రస్తుతం 45 ఓవర్లు పూర్తయ్యాయి. టీమిండియా రెండు వికెట్ల నష్టానికి 332 పరుగులు చేసింది. కోహ్లీ 126, శ్రేయాస్ అయ్యర్ 37 పరుగులతో క్రీజులో ఉన్నారు.
Updated Date - 2023-01-15T17:01:04+05:30 IST