IND Vs AUS: సెంచరీతో రుతురాజ్ విధ్వంసం.. టీమిండియా మళ్లీ భారీ స్కోరు
ABN, First Publish Date - 2023-11-28T20:54:04+05:30
ఆస్ట్రేలియాతో టీ20 సిరీస్‌లో టీమిండియా జోరు కొనసాగుతోంది. వరుసగా మూడో టీ20లోనూ భారీ స్కోరు సాధించింది. ఈ మ్యాచ్‌లో టాస్ ఓడి తొలుత బ్యాటింగ్ చేసిన టీమిండియా 20 ఓవర్లలో మూడు వికెట్ల నష్టానికి 222 పరుగులు చేసింది. ఓపెనర్ రుతురాజ్ గైక్వాడ్ సెంచరీతో ఊచకోత కోశాడు.
ఆస్ట్రేలియాతో టీ20 సిరీస్‌లో టీమిండియా జోరు కొనసాగుతోంది. వరుసగా మూడో టీ20లోనూ భారీ స్కోరు సాధించింది. ఈ మ్యాచ్‌లో టాస్ ఓడి తొలుత బ్యాటింగ్ చేసిన టీమిండియా 20 ఓవర్లలో మూడు వికెట్ల నష్టానికి 222 పరుగులు చేసింది. ఓపెనర్ రుతురాజ్ గైక్వాడ్ సెంచరీతో ఊచకోత కోశాడు. చివరి వరకు నాటౌట్‌గా నిలిచాడు. 57 బాల్స్‌లో 13 ఫోర్లు, 7 సిక్సర్లతో 123 రన్స్ చేసి అజేయంగా ఉన్నాడు. అంతర్జాతీయ టీ20ల్లో రుతురాజ్‌కు ఇదే తొలి సెంచరీ. అంతేకాకుండా ఇదే అతడి వ్యక్తిగత అత్యధిక స్కోరు. గత మ్యాచ్‌లో హాఫ్ సెంచరీలు చేసిన యషస్వీ జైశ్వాల్, ఇషాన్ కిషన్ ఈ మ్యాచ్‌లో విఫలమయ్యారు. జైశ్వాల్ (6), ఇషాన్ కిషన్ (0) తొలి మూడు ఓవర్లలోనే పెవిలియన్ చేరారు. అయితే కెప్టెన్ సూర్యకుమార్ జట్టు స్కోరు వేగం పెంచాడు. 29 బాల్స్‌లో 5 ఫోర్లు, 2 సిక్సర్లతో 39 రన్స్ చేశాడు. సూర్య అవుటైన తర్వాత వచ్చిన తిలక్ వర్మ ఎక్కువ షాట్లు ఆడేందుకు వెళ్లకుండా క్రీజులో నిలదొక్కుకునేందుకు ప్రయత్నించాడు. మరో ఎండ్‌లో రుతురాజ్ వీరవిహారం చేశాడు. నాలుగో వికెట్‌కు రుతురాజ్-తిలక్ వర్మ 141 పరుగుల భాగస్వామ్యం నమోదు చేయగా.. ఇందులో తిలక్ వర్మ చేసిన పరుగులు కేవలం 31 మాత్రమే. ఆస్ట్రేలియా బౌలర్లలో బెరన్ డార్ఫ్ మినహా అందరూ ధారాళంగా పరుగులు సమర్పించుకున్నారు. ఐదు టీ20ల సిరీస్ గెలవాలంటే ఈ మ్యాచ్‌లోనూ టీమిండియా గెలవాలి.
మరిన్ని క్రీడావార్తల కోసం ఇక్కడ క్లిక్ చేయండి.
Updated Date - 2023-11-28T20:54:05+05:30 IST