WPL 2023: చెప్పినట్టే యూపీ వారియర్స్‌ను కట్టడి చేసిన ముంబై
ABN, First Publish Date - 2023-03-12T21:22:14+05:30
‘ప్రత్యర్థిని 160 పరుగులకు కట్టడి చేయడమే మా లక్ష్యం’ అని టాస్ సందర్భంగా చెప్పిన ముంబై సారథి హర్మన్‌ప్రీత్ కౌర్(Harmanpreet Kaur) అన్నంత పనీ చేసింది
ముంబై: ‘ప్రత్యర్థిని 160 పరుగులకు కట్టడి చేయడమే మా లక్ష్యం’ అని టాస్ సందర్భంగా చెప్పిన ముంబై సారథి హర్మన్‌ప్రీత్ కౌర్(Harmanpreet Kaur) అన్నంత పనీ చేసింది. యూపీ వారియర్స్(UP Warriorz)ను 159 పరుగులకే కట్టడి చేసింది. టాస్ గెలిచి బ్యాటింగ్ ఎంచుకున్న వారియర్స్ నిర్ణీత 20 ఓవర్లలో 6 వికెట్ల నష్టానికి 159 పరుగులు చేసింది. కెప్టెన్ అలిస్సా హీలీ (58), తహ్లియా మెక్‌గ్రాత్ (50) అర్ధ సెంచరీలతో రాణించారు. కిరణ్ నవగిరే 17 పరుగులు మాత్రమే చేసింది. మిగతా వారిలో ఎవరూ రెండంకెల స్కోరును కూడా చేరుకోలేకపోయారు.
ముంబై బౌలర్లు సైకా ఇషాక్ 3 వికెట్లు తీసుకోగా, అమిలియా కెర్ రెండు వికెట్లు తీసుకున్నారు. చెప్పినట్టే యూపీని కట్టడి చేసిన ముంబై ఈ మ్యాచ్‌లో విజయంలో సాధిస్తే వరుసగా ఆ జట్టు ఖాతాలో వరుసగా నాలుగో విజయం చేరుతుంది.
Updated Date - 2023-03-12T21:22:14+05:30 IST