IND vs PAK: విరాట్ కోహ్లీతో సమంగా కేఎల్ రాహుల్.. ఆ రికార్డు సమం!
ABN, First Publish Date - 2023-09-10T20:54:04+05:30
టీమిండియా సీనియర్ బ్యాటర్ విరాట్ కోహ్లీకి చెందిన ఓ రికార్డును స్టార్ బ్యాటర్ కేఎల్ రాహుల్ సమం చేశాడు. ఆసియా కప్ 2023లో భాగంగా పాకిస్థాన్‌తో జరుగుతున్న మ్యాచ్‌లో 14 పరుగుల వ్యక్తిగత స్కోర్ వద్ద రాహుల్ తన వన్డే కెరీర్‌లో 2 వేల పరుగులను పూర్తి చేసుకున్నాడు.
కొలంబో: టీమిండియా సీనియర్ బ్యాటర్ విరాట్ కోహ్లీకి చెందిన ఓ రికార్డును స్టార్ బ్యాటర్ కేఎల్ రాహుల్ సమం చేశాడు. ఆసియా కప్ 2023లో భాగంగా పాకిస్థాన్‌తో జరుగుతున్న మ్యాచ్‌లో 14 పరుగుల వ్యక్తిగత స్కోర్ వద్ద రాహుల్ తన వన్డే కెరీర్‌లో 2 వేల పరుగులను పూర్తి చేసుకున్నాడు. ఈ మార్కును రాహుల్ 53 ఇన్నింగ్స్‌ల్లో అందుకున్నాడు. దీంతో వన్డేల్లో వేగంగా 2 వేల పరుగులు చేసిన ఐదో ఆటగాడిగా విరాట్ కోహ్లీతో కలిసి సమంగా నిలిచాడు. కాగా కోహ్లీ కూడా తన వన్డే కెరీర్‌లో 53 ఇన్నింగ్స్‌ల్లోనే 2 వేల పరుగులు పూర్తి చేసుకున్నాడు. ఈ జాబితాలో దక్షిణాఫ్రికా మాజీ ఆటగాడు హషీమ్ ఆమ్లా మొదటి స్థానంలో ఉన్నాడు. ఆమ్లా 40 ఇన్నింగ్స్‌ల్లోనే 2 వేల పరుగులు పూర్తి చేశాడు. ఆ తర్వాతి స్థానాల్లో శిఖర్ ధావన్(48), సిద్దూ(52), గంగూలీ(52) ఉన్నారు.
ఇక మ్యాచ్ విషయానికొస్తే.. అనుకున్నట్టుగానే సూపర్ 4లో భారత్, పాకిస్థాన్ మ్యాచ్‌కు వరుణుడు అడ్డుపడ్డాడు. వర్షం కారణంగా మ్యాచ్ నిలిచిపోయే సమయానికి భారత జట్టు 24.1 ఓవర్లలో 2 వికెట్ల నష్టానికి 147 పరుగులు చేసింది. క్రీజులో కోహ్లీ(8), రాహుల్(17) ఉన్నారు. అంతకుముందు ఓపెనర్లు రోహిత్ శర్మ(56), శుభ్‌మన్ గిల్(58) అదిరిపోయే ఆరంభాన్నిచ్చారు. హాఫ్ సెంచరీలతో చెలరేగిన వీరిద్దరు తొలి వికెట్‌కు 121 పరుగుల సెంచరీ భాగస్వామ్యాన్ని నెలకొల్పారు. ఆ తర్వాత స్వల్ప వ్యవధిలో వీరిద్దరూ ఔట్ అయ్యారు.
Updated Date - 2023-09-10T20:54:04+05:30 IST