AP NEWS: మంచిర్యాల జిల్లాలో చిరుతపులి కలకలం..భయం గుప్పిట్లో ప్రజలు
ABN, First Publish Date - 2023-09-01T22:06:58+05:30
తెలంగాణలోని మంచిర్యాల జిల్లాలో(Manchryala district) చిరుత పులి(Leopard) కలకలం సృష్టించింది.
మంచిర్యాల: తెలంగాణలోని మంచిర్యాల జిల్లాలో(Manchryala district) చిరుత పులి(Leopard) కలకలం సృష్టించింది. మంచిర్యాల జిల్లాలోని కాసిపేట మండలంలో గల ముత్యంపల్లిలో చిరుత సంచరించినట్లు స్థానికులు తెలిపారు. ముత్యంపల్లి సమీపంలో ఉన్న మేకలమందపై దాడిచేసినట్లు గొర్రెల కాపారులు చెబుతున్నారు. ఈ దాడిలో మేక మృతి చెందిందని అన్నారు. చిరుతను చూసిన వారు ఫోనులో నుంచి వీడియో తీసేందుకు ప్రయత్నించారు.చిరుతపులి నుంచి మూగ జీవాలను కాపాడాలని అధికారులకు గొర్రెల కాపారులు విన్నవించారు.
చిరుత కదలికలతో స్థానికులు అటవీశాఖ అధికారులకు సమాచారం అందజేశారు. విషయం తెలుసుకున్న అటవీశాఖ అధికారులు ఘటనా స్థలానికి చేరుకుని చిరుత సంచారానికి సంబంధించి వివరాలు సేకరించారు. పులి సంచారం నేపథ్యంలో స్థానికులు అప్రమత్తంగా ఉండాలని హెచ్చరించారు. ఒంటరిగా బయటకు వెళ్లొద్దని సూచించారు. చిరుత అడుగు జాడల ఆధారంగా అది ఎటువైపునకు వెళ్లిందనే దానిపై అటవీశాఖ అధికారులు ఆరా తీస్తున్నారు. మరోవైపు చిరుతను బంధించాలంటూ అధికారులను స్థానికులు వేడుకుంటున్నారు. చిరుత సంచారంతో ఇళ్ల నుంచి బయటకు వెళ్లాలంటేనే ప్రజలు హడలిపోతున్నారు.
Updated Date - 2023-09-01T22:06:58+05:30 IST