Amit Shah: చేవెళ్ల బయలుదేరిన అమిత్ షా
ABN, First Publish Date - 2023-04-23T18:37:17+05:30
శంషాబాద్ నోవాటెల్లో రాష్ట్ర బీజేపీ నేతలతో కేంద్రమంత్రి అమిత్ షా (Amit Shah) భేటీ ముగిసింది. హోటల్ నుంచి అమిత్ షా చేవెళ్ల బయలుదేరారు.
హైదరాబాద్: శంషాబాద్ నోవాటెల్లో రాష్ట్ర బీజేపీ నేతలతో కేంద్రమంత్రి అమిత్ షా (Amit Shah) భేటీ ముగిసింది. హోటల్ నుంచి అమిత్ షా చేవెళ్ల బయలుదేరారు. అమిత్ షా వెంట కేంద్రమంత్రి కిషన్రెడ్డి (Union Minister Kishan Reddy), బీజేపీ నేతలు బండి సంజయ్, విజయశాంతి, తరుణ్చుగ్ ఉన్నారు. రంగారెడ్డి జిల్లా చేవెళ్లలో బీజేపీ (BJP) ఆదివారం నిర్వహించ తలపెట్టిన ‘విజయ సంకల్ప సభ’కు కేంద్ర హోంమంత్రి అమిత్ షా ముఖ్య అతిథిగా వచ్చారు. ఆదివారం సాయంత్రం శంషాబాద్ ఎయిర్‌పోర్టుకు చేరుకోనున్న ఆయన చేవెళ్లకు రోడ్డు మార్గంలో వెళ్లారు. చేవెళ్లలో బహిరంగ సభలో పాల్గొని ప్రసంగిస్తారు. అనంతరం ప్రత్యేక విమానంలో తిరిగి ఢిల్లీకి పయనమవుతారు. అయితే ఈ పర్యటన సందర్భంగా అమిత్‌షా నోవాటెల్ హోటల్‌లో ‘ఆర్‌ఆర్‌ఆర్‌’ సినిమా యూనిట్‌ను కలవాల్సి ఉంది. అయితే బిజీ షెడ్యూల్‌ కారణంగా ఆ కార్యక్రమాన్ని రద్దు చేశారు. ఇక చేవెళ్లలో నిర్వహించబోయే బహిరంగ సభ ఒక సంచలనం కావాలని, కార్యకర్తలు పెద్ద సంఖ్యలో హాజరై సత్తా చాటాలని బండి సంజయ్ పిలుపునిచ్చారు. సభలో అమిత్ షా అభివృద్ధి కార్యక్రమాలపై కీలక ప్రకటన చేస్తారని రాష్ట్ర బీజేపీ వర్గాలు తెలిపాయి.
Updated Date - 2023-04-23T18:37:17+05:30 IST