Tummala Nageshwarrao: వాళ్లకు భయపడకండి.. ఎదురుతిరగండి
ABN, First Publish Date - 2023-11-15T10:18:51+05:30
Telangana Elections: అరాచకం, అవినీతి పాలన తరమి కొట్టాలని కాంగ్రెస్ అభ్యర్థి తుమ్మల నాగేశ్వరరావు పిలుపునిచ్చారు.
ఖమ్మం: అరాచకం, అవినీతి పాలన తరమి కొట్టాలని కాంగ్రెస్ అభ్యర్థి తుమ్మల నాగేశ్వరరావు (Congress Candidate Tummala Nageswar rao) పిలుపునిచ్చారు. ఎన్నికల ప్రచారంలో భాగంగా బుధవారం 27వ డివిజన్ శ్రీనివాసనగర్‌లో తుమ్మల రోడ్ షో నిర్వహించారు. ఈ సందర్భంగా ఆయన మాట్లాడుతూ... బెదిరించే వాళ్లకు భయపడకండి.. ఎదురు తిరిగి నిలబడాలని అన్నారు. దేశం కోసం ప్రాణ త్యాగం చేసిన సోనియా గాంధీ కుటుంబానికి రుణపడ్డామన్నారు. కాంగ్రెస్ పార్టీ ఆరు గ్యారంటీ పథకాలతో పేదల జీవితాల్లో వెలుగులు నింపుతుందని తెలిపారు. మహిళల కష్టాలు తెలిసిన సాటి మహిళగా సోనియమ్మ మహాలక్ష్మీ పథకం రూపకల్పన చేశారన్నారు. ప్రశాంతమైన ఖమ్మం కోసం, అభివృద్ధి ఖమ్మం కోసం కాంగ్రెస్ పార్టీనే గెలిపించాలని తుమ్మల నాగేశ్వరరావు పిలుపునిచ్చారు.
Updated Date - 2023-11-15T10:19:04+05:30 IST