DK Aruna: ఊపిరి ఉన్నంత వరకు బీజేపీలోనే కొనసాగుతా
ABN, First Publish Date - 2023-11-05T11:30:04+05:30
కొన్ని మీడియా సంస్థలు తాను పార్టీ మారుతున్నానంటూ తప్పుడు ప్రచారం చేస్తున్నాయని బీజేపీ పార్టీ జాతీయ ఉపాధ్యక్షురాలు డీకే అరుణ ( DK Aruna ) ఆగ్రహం వ్యక్తం చేశారు.
హైదరాబాద్: కొన్ని మీడియా సంస్థలు తాను పార్టీ మారుతున్నానంటూ తప్పుడు ప్రచారం చేస్తున్నాయని బీజేపీ పార్టీ జాతీయ ఉపాధ్యక్షురాలు డీకే అరుణ ( DK Aruna ) ఆగ్రహం వ్యక్తం చేశారు. ఆదివారం నాడు బీజేపీ పార్టీ ప్రధాన కార్యాలయంలో అరుణ మీడియాతో మాట్లాడుతూ..‘‘ తన నియోజకవర్గంలో బీజేపీ పార్టీ అభ్యర్థి గెలుపు కోసం తాను ప్రచారంలో పాల్గొంటున్న విషయం కొన్ని పత్రికలు, ఛానళ్లకు కనిపించడం లేదా అని డీకే అరుణ ప్రశ్నించారు. తాను పార్టీ మారే ప్రసక్తే లేదని, తన ఊపిరి ఉన్నంత వరకు బీజేపీలోనే కొనసాగుతానని డీకే అరుణ స్పష్టం చేశారు. ఈ విషయంపై మరోసారి మీడియా తమ ఇష్టానుసారంగా ప్రచారాలు చేస్తే న్యాయ విచారణకు సిద్ధంగా ఉండాలని డీకే అరుణ హెచ్చరించారు.
Updated Date - 2023-11-05T11:30:10+05:30 IST