BJP: తెలంగాణలో జోరుగా బీజేపీ జాతీయ స్థాయి నేతల ఎన్నికల ప్రచారం
ABN, First Publish Date - 2023-11-23T22:26:26+05:30
తెలంగాణ అసెంబ్లీ ఎన్నికల్లో బీజేపీ పార్టీ ( BJP party ) ప్రచారంలో దూసుకెళ్తుంది. ఆ పార్టీ జాతీయ స్థాయి నేతలు ప్రచారంలో పాల్గొననున్నారు. కేంద్ర హోంమంత్రి అమిత్ షా, బీజేపీ జాతీయ అధ్యక్షుడు జేపీ నడ్డా,. రక్షణశాఖ మంత్రి రాజ్‌నాథ్‌ సింగ్ తెలంగాణలో పర్యటించనున్నారు.
హైదరాబాద్ : తెలంగాణ అసెంబ్లీ ఎన్నికల్లో బీజేపీ పార్టీ ( BJP party ) ప్రచారంలో దూసుకెళ్తుంది. ఆ పార్టీ జాతీయ స్థాయి నేతలు ప్రచారంలో పాల్గొననున్నారు. కేంద్ర హోంమంత్రి అమిత్ షా, బీజేపీ జాతీయ అధ్యక్షుడు జేపీ నడ్డా,. రక్షణశాఖ మంత్రి రాజ్‌నాథ్‌ సింగ్ తెలంగాణలో పర్యటించనున్నారు. ఈ పర్యటనలో బీజేపీ అభ్యర్థుల తరఫున అమిత్ షా, జేపీ నడ్డా, రాజ్‌నాథ్‌ సింగ్ ప్రచారం చేయనున్నారు. ఈ మేరకు బీజేపీ నేతల షెడ్యూల్ ఖరారయింది. వారి పర్యటనల నేపథ్యంలో రాష్ట్ర బీజేపీ నేతలు ఏర్పాట్లు చేశారు.
24, 25, 26 తేదీలల్లో అమిత్ షా ఎన్నికల ప్రచారం
24న అమిత్ షా షెడ్యూల్:
24వ తేదీన మధ్యాహ్నం 12గంటలకు ఆర్మూర్‌ అసెంబ్లీ నియోజకవర్గంలో సకల జనుల విజయ సంకల్ప సభలో అమిత్ షా పాల్గొని ప్రసగింస్తారు.
మధ్యాహ్నం 2 గంటలకు రాజేంద్రనగర్ నియోజకవర్గంలో షా రోడ్ షో
మధ్యాహ్నం 3గంటలకు శేరిలింగంపల్లి నియోజకవర్గంలో అమిత్ షా రోడ్ షో
సాయంత్రం 4.30 గంటలకు అంబర్‌పేట నియోజకవర్గంలో షా రోడ్ షో
25న అమిత్ షా షెడ్యూల్:
25వ తేదీన ఉదయం 11గంటలకు కొల్లాపూర్ అసెంబ్లీ నియోజకవర్గంలో సకల జనుల విజయసంకల్ప సభలో అమిత్ షా ప్రసంగిస్తారు.
మధ్యాహ్నం ఒంటి గంటకు మునుగోడు నియోజకవర్గంలో షా సభలో పాల్గొంటారు.
మధ్యాహ్నం 2 గంటలకు పఠాన్ చెరు నియోజకవర్గంలో అమిత్ షా సభ
సాయంత్రం 4 గంటలకు ఖైరతాబాద్‌ నియోజకవర్గంలో షా రోడ్ షో
26న అమిత్ షా షెడ్యూల్:
26వ తేదీన మక్తల్ నియోజకవర్గంలో ఉదయం 11గంటలకు సకల జనుల విజయ సంకల్ప సభ
మధ్యాహ్నం ఒంటి గంటకు ములుగు నియోజకవర్గంలో సకల జనుల విజయసంకల్ప సభ
మధ్యాహ్నం 3గంటలకు భువనగిరి నియోజకవర్గంలో విజయ సంకల్ప సభ
సాయంత్రం 6గంటలకు కూకట్‌పల్లి నియోజకవర్గంలో బహిరంగ సభలో షా ప్రసంగిస్తారు.
రాత్రి 8గంటలకు ఎన్టీఆర్ స్టేడియంలో కోటి దీపోత్సవం కార్యక్రమంలో అమిత్ షా పాల్గొంటారు.
24వ తేదీన రాజ్‌నాథ్‌ సింగ్ షెడ్యూల్:
24వ తేదీన తెలంగాణలో రక్షణశాఖ మంత్రి రాజ్‌నాథ్‌ సింగ్ ఎన్నికల ప్రచారం చేస్తారు.
24వ తేదీన ఉదయం 11గంటలకు మేడ్చల్‌ నియోజకవర్గంలో ఎన్నికల ప్రచారం
సాయంత్రం 4గంటలకు కార్వాన్‌ నియోజకవర్గంలో భారీ బహిరంగ సభలో ప్రసంగిస్తారు.
సాయంత్రం 5గంటలకు కంటోన్మెంట్‌ నియోజకవర్గంలో రాజ్‌నాథ్‌ సింగ్ బహిరంగ సభలో ప్రసగింస్తారు.
25వ తేదీన జేపీ నడ్డా షెడ్యూల్:
25వ తేదీన తెలంగాణలో బీజేపీ పార్టీ జాతీయ అధ్యక్షుడు జేపీ నడ్డా ఎన్నికల ప్రచారం చేస్తారు.
25న మధ్యాహ్నం 2గంటలకు హుజూర్‌నగర్‌ నియోజకవర్గంలో భారీ బహిరంగ సభలో నడ్డా ప్రసంగిస్తారు.
సాయంత్రం 4గంటలకు సికింద్రాబాద్‌ నియోజకవర్గంలో రోడ్ షోలో పాల్గొంటారు.
సాయంత్రం 6గంటలకు ముషీరాబాద్ నియోజకవర్గంలో బహిరంగ సభలో ప్రసంగిస్తారు.
25న రాత్రి 7గంటలకు రాష్ట్ర బీజేపీ నేతలతో నడ్డా సమావేశం అవుతారు. ఈ సమావేశంలో అసెంబ్లీ ఎన్నికలపై బీజేపీ నేతలకు దిశానిర్దేశం చేయనున్నారు.
Updated Date - 2023-11-23T22:26:27+05:30 IST