Congress: పేటల్ రమేష్‌రెడ్డి నామినేషన్ ఉపసంహరణపై కొనసాగుతున్న ఉత్కంఠ
ABN, First Publish Date - 2023-11-15T13:22:24+05:30
Telangana Elections: సూర్యాపేటలోని కాంగ్రెస్ రెబల్ అభ్యర్థి పటేల్ రమేష్ రెడ్డి నామినేషన్ ఉపసంహరణపై ఉత్కంఠ కొనసాగుతోంది. పటేల్ రమేష్ రెడ్డి నివాసంలో రెండు గంటలకు పైగా సీనియర్ కాంగ్రెస్ నేతల బుజ్జగింపుల పర్వం కొనసాగుతోంది. భవిష్యత్‌పై అధిష్టానం నుంచి హామీలు ఇచ్చేలా ఏఐసీసీ కార్యదర్శి రోహిత్ చౌదరి, సీనియర్ ఉపాధ్యక్షులు మల్లు రవి ప్రయత్నాలు చేస్తున్నట్లు తెలుస్తోంది.
సూర్యాపేట: సూర్యాపేటలో కాంగ్రెస్ రెబల్ అభ్యర్థి పటేల్ రమేష్ రెడ్డి (Congress rebel candidate Patel Ramesh Reddy) నామినేషన్ ఉపసంహరణపై ఉత్కంఠ కొనసాగుతోంది. పటేల్ రమేష్ రెడ్డి నివాసంలో రెండు గంటలకు పైగా సీనియర్ కాంగ్రెస్ నేతల బుజ్జగింపుల పర్వం కొనసాగుతోంది. భవిష్యత్‌పై అధిష్టానం నుంచి హామీలు ఇచ్చేలా ఏఐసీసీ కార్యదర్శి రోహిత్ చౌదరి (AICC Secretary Rohit Chaudhary) , సీనియర్ ఉపాధ్యక్షులు మల్లు రవి (Senior Vice Presidents Mallu Ravi) ప్రయత్నాలు చేస్తున్నట్లు తెలుస్తోంది. పటేల్ రమేష్‌రెడ్డిని ఎలాగైనా పోటీ నుంచి తప్పించేందుకు విశ్వ ప్రయత్నాలు చేస్తున్న పరిస్థితి. అయితే నామినేషన్ ఉప సంహరించుకునేందుకు రమేష్ రెడ్డి, ఆయన అనుచరులు ససేమీరా అంటున్నారు. ఈరోజు (బుధవారం) మధ్యాహ్నం నామినేషన్ ఉపసంహరణ ప్రక్రియ ముగియనుంది. ఈ క్రమంలో పటేల్ రమేష్ రెడ్డి నామినేషన్ ఉపసంహరించుకుంటారా? లేదా? అనే ఉత్కంఠ సర్వత్రా నెలకొంది.
Updated Date - 2023-11-15T13:22:31+05:30 IST