Balapur Ganesh: బాలాపూర్ లడ్డూ @ రూ.27 లక్షలు
ABN, First Publish Date - 2023-09-28T11:08:36+05:30
బాలాపూర్ లడ్డూ మరోసారి రికార్డు స్థాయి ధర పలికింది. ఈ ఏడాది బాలాపూర్ లడ్డూ ధర రూ.27 లక్షలు పలికింది. తుర్కయంజాల్‌కు చెందిన దాసరి దయానందరెడ్డి రెడ్డి బాలపూర్ గణేష్ లడ్డూను కైవసం చేసుకున్నాడు. అంతకుముందు బాలాపూర్ గణేష్ శోభాయాత్ర వైభవంగా జరిగింది. బాలాపూర్ పురవీధుల్లో ఊరేగింపుగా సంస్కృతి కార్యక్రమాలు, భజనలతో శోభాయాత్ర శోభాయామానంగా సాగింది.
హైదరాబాద్: బాలాపూర్ లడ్డూ మరోసారి రికార్డు స్థాయి ధర పలికింది. ఈ ఏడాది వేలంపాటలో బాలాపూర్ లడ్డూ ధర రూ.27 లక్షలు పలికింది. తుర్కయంజాల్‌కు చెందిన దాసరి దయానందరెడ్డి రెడ్డి గణేష్ లడ్డూను కైవసం చేసుకున్నారు. అంతకుముందు బాలాపూర్ గణేష్ శోభాయాత్ర వైభవంగా జరిగింది. బాలాపూర్ పురవీధుల్లో ఊరేగింపుగా సంస్కృతి కార్యక్రమాలు, భజనలతో శోభాయాత్ర శోభాయమానంగా సాగింది. గ్రామం అంతా బాలాపూర్ గణేషుడిని ఊరేగించిన అనంతరం బొడ్రాయి వద్ద బాలాపూర్ గణేష్ ఉత్సవ సమితి కమిటీ సభ్యులు లడ్డూ వేలం పాటను నిర్వహించారు.
ఇదిలావుండగా నేటితో బాలాపూర్ లడ్డూ వేలంపాట 30 ఏళ్లు పూర్తి చేసుకుంది. గతేడాది 24 లక్షల 60 వేల రూపాయలు పలికిన బాలాపూర్ గణేష్ లడ్డూ.. ఈ సారి ఏకంగా మరో రూ.2.40 లక్షలు పెరిగి రూ.27 లక్షలు పలికింది. గతేడాది బాలాపూర్ లడ్డూను వంగేటి లక్ష్మారెడ్డి అనే వ్యక్తి రూ.24లక్షల 60వేలకు దక్కించుకున్నారు. ఈ సారి లడ్డూ వేలం పాటలో 9 మంది సభ్యులు పాల్గొనగా.. అందులో ఆరుగురు స్థానికులు, ముగ్గురు స్థానికేతరులు ఉన్నారు. గతేడాది లడ్డూను దక్కించుకున్న వంగేటి లక్ష్మారెడ్డి ఈసారి కూడా వేలం పాటలో పాల్గొన్నారు. ముందుగా ఉత్సవ సమితి కమిటీ సభ్యులు రూ.5 లక్షల నుంచి వేలం పాటను ప్రారంభించారు. లడ్డూ వేలం పాటలో గట్టి పోటీ జరిగింది. చివరకు దాసరి దయానందరెడ్డి రూ.27 లక్షలకు బాలాపూర్ గణేష్ లడ్డూను సొంతం చేసుకున్నారు.
30 ఏళ్లుగా లడ్డూ విజేతలు వీరే...
1994లో కొలను మోహన్‌రెడ్డి- రూ.450
1995లో కొలను మోహన్‌రెడ్డి- రూ.4,500
1996లో కొలను కృష్ణారెడ్డి- రూ.18 వేలు
1997లో కొలను కృష్ణారెడ్డి- రూ.28 వేలు
1998లో కొలన్‌ మోహన్‌ రెడ్డి లడ్డూ- రూ.51 వేలు
1999 కళ్లెం ప్రతాప్‌ రెడ్డి- రూ.65 వేలు
2000 కొలన్‌ అంజిరెడ్డి- రూ.66 వేలు
2001 జీ. రఘనందన్‌ రెడ్డి- రూ.85 వేలు
2002లో కందాడ మాధవరెడ్డి- రూ.1,05,000
2003లో చిగిరినాథ బాల్‌ రెడ్డి- రూ.1,55,000
2004లో కొలన్‌ మోహన్‌ రెడ్డి- రూ.2,01,000
2005లో ఇబ్రహీ శేఖర్‌- రూ.2,08,000
2006లో చిగురింత తిరుపతి- రెడ్డి రూ.3 లక్షలు
2007లో జీ రఘనాథమ్‌ చారి- రూ.4,15000
2008లో కొలన్‌ మోహన్‌ రెడ్డి- రూ.5,07,000
2009లో సరిత- రూ.5,10,000
2010లో కొడాలి శ్రీధర్‌ బాబు- రూ.5,35,000
2011లో కొలన్‌ బ్రదర్స్‌- రూ.5,45,000
2012లో పన్నాల గోవర్ధన్‌ రెడ్డి- రూ.7,50,000
2013లో తీగల కృష్ణారెడ్డి- రూ.9,26,000
2014లో సింగిరెడ్డి జైహింద్‌ రెడ్డి- రూ.9,50,000
2015లో కొలన్‌ మధన్‌ మోహన్‌ రెడ్డి- రూ.10,32,000
2016లో స్కైలాబ్‌ రెడ్డి- రూ.14,65,000
2017లో నాగం తిరుపతి రెడ్డి- రూ.15 లక్షల 60 వేలు
2018లో తేరేటి శ్రీనివాస్‌ గుప్తా- రూ.16,60,000
2019లో కొలను రామిరెడ్డి- రూ.17 లక్షల 60 వేలు
2020లో కరోనా కారణంగా లడ్డూ వేలం పాట రద్దు
2021లో మర్రి శశాంక్‌ రెడ్డి, ఏపీ ఎమ్మెల్సీ రమేశ్‌ యాదవ్‌- రూ.18.90 లక్షలు
2022లో వంగేటి లక్ష్మారెడ్డి- రూ.24,60,000
2023లో దాసరి దయానంద్ రెడ్డి – రూ. 27 లక్షలు
Updated Date - 2023-09-28T11:25:16+05:30 IST