Bandi Sanjay: సీఎం కేసీఆర్‌కు బండి సంజయ్ సవాల్‌
ABN, First Publish Date - 2023-02-12T22:22:26+05:30
తెలంగాణ రాష్ట్ర ముఖ్యమంత్రి కె. చంద్రశేఖర్ రావు (KCR)పై తెలంగాణ బీజేపీ (BJP) రాష్ట్ర అధ్యక్షుడు, బీజేపీ ఎంపీ బండి సంజయ్ కుమార్ (Bandi Sanjay Kumar) విమర్శలు గుప్పించారు.
హైదరాబాద్: తెలంగాణ రాష్ట్ర ముఖ్యమంత్రి కె. చంద్రశేఖర్ రావు (KCR)పై తెలంగాణ బీజేపీ (BJP) రాష్ట్ర అధ్యక్షుడు, బీజేపీ ఎంపీ బండి సంజయ్ కుమార్ (Bandi Sanjay Kumar) విమర్శలు గుప్పించారు. సీఎం కేసీఆర్‌కు బండి సంజయ్ సవాల్‌ చేశారు. రాజీనామా చేస్తానని ఇప్పటికే 100 సార్లు చెప్పారని బండి సంజయ్ మండిపడ్డారు. అసెంబ్లీలో కేసీఆర్ మాట్లాడినవన్నీ అబద్ధాలు అని నిరూపించడానికి మేం సిద్ధమని బండి సంజయ్ అన్నారు. దమ్ముంటే కేసీఆర్ తన మాటకు కట్టుబడి ఉండాలని, డేట్‌..టైమ్‌ మీరే ఫిక్స్‌ చేయాలంటూ సవాల్‌ బండి సంజయ్ చేశారు. కేసీఆర్ పోతే తెలంగాణకు ఉన్న పీడ పోతుందని బండి సంజయ్ సంచలన వ్యాఖ్యలు చేశారు.
ఈ రోజు మధ్యాహ్నం తెలంగాణ అసెంబ్లీ వేదికగా తెలంగాణ రాష్ట్ర బీజేపీ అధ్యక్షుడు బండి సంజయ్ కుమార్ (Bandi Sanjay Kumar)కు ముఖ్యమంత్రి కేసీఆర్ (KCR) కౌంటర్ ఇచ్చారు. కూలుస్తామంటే ఎవరు ఊరుకుంటారు?, కూలగొడితే చూస్తూ ఊరుకుంటామా?, కాళ్లు.. రెక్కలు విరిచి పడుకోబెడతారని కేసీఆర్ హెచ్చరించారు. అలా మాట్లాడేవారిని ప్రజలే చూసుకుంటారని కేసీఆర్ హెచ్చరించారు. సచివాలయానికి అంబేద్కర్‌ పేరు పెట్టానని, పార్లమెంట్‌కు కూడా అంబేద్కర్‌ పేరు పెట్టాలని సూచించామని కేసీఆర్ అన్నారు. కొత్త సచివాలయం, ప్రగతిభవన్‌పై విపక్ష నేతలు చేస్తున్న వ్యాఖ్యలపై తెలంగాణ రాష్ట్ర అసెంబ్లీ సమావేశాల్లో సీఎం కేసీఆర్ ఆగ్రహం వ్యక్తం చేశారు.
Updated Date - 2023-02-12T22:22:43+05:30 IST