BRS manifesto2023: రైతుబంధు రూ.16 వేలు.. పెన్షన్ రూ.5 వేలు.. బీఆర్ఎస్ మేనిఫెస్టో ఇదే...
ABN, First Publish Date - 2023-10-15T14:46:50+05:30
సీఎం కేసీఆర్ ఎన్నికల మేనిఫెస్టోను విడుదల చేశారు. తెలంగాణ భవన్‌లో మీడియా ముఖంగా హామీలను ప్రకటించారు.
హైదరాబాద్: సీఎం కేసీఆర్ ఎన్నికల మేనిఫెస్టోను విడుదల చేశారు. తెలంగాణ భవన్‌లో మీడియా ముఖంగా హామీలను ప్రకటించారు.
మేనిఫెస్టో ఇదే..
రైతుబంధు, దళితబంధును కొనసాగిస్తాం.
రైతుబంధును రూ.16 వేలు చేస్తాం.
ఆసరా పెన్షన్ రూ.2016 నుండి రూ.5016 పెంపు. అధికారంలోకి వచ్చిన మొదటి సంవత్సరం రూ.3016 చేసి 5 సంవత్సరాల్లో రూ.5016కి పెంపు. ఏడాదికి రూ.500 చొప్పున దశలవారీగా పెంపు.
సౌభాగ్యలక్ష్మి పథకం పేరిట అర్హులైన మహిళలకు నెలకు రూ.1000 భృతి.
తెల్ల రేషన్‌కార్డుదారులకు సన్నబియ్యం పంపిణీ.
దివ్యాంగుల పెన్షన్లు రూ.4016 నుంచి రూ.6 వేలకు పెంచుతాం. ప్రతి ఏటా రూ.300 చొప్పున పెంచుతాం.
కేసీఆర్ బీమా ప్రీమియం ప్రభుత్వమే భరిస్తుంది.
గిరిజనులకు పోడు పట్టాల కార్యక్రమం కొనసాగుతుంది.
గిరిజనులకు మరిన్ని సంక్షేమ పథకాలు తెస్తాం.
తండాలు, గోండుగూడెలను పంచాయతీలుగా చేస్తాం.
బీసీలకు అమలు చేస్తున్న పథకాలను కొనసాగిస్తాం.
రైతుబీమా తరహాలోనే పేదలకు కేసీఆర్ బీమా పథకం.
తెల్లరేషన్ కార్డుదారులకు రూ.5 లక్షల కేసీఆర్ బీమా.
అక్రెడిటేషన్ ఉన్న జర్నలిస్టులకు రూ.400లకే గ్యాస్ సిలిండర్.
తెలంగాణలో 93 లక్షల పైగా కుటుంబాలకు కేసీఆర్ బీమా.. ప్రతి ఇంటికి ధీమా పథకం 5 లక్షల బీమా కల్పిస్తాం.
Updated Date - 2023-10-15T15:04:45+05:30 IST