CM KCR: 6న నాగర్‌కర్నూల్‌‌కు సీఎం కేసీఆర్‌
ABN, First Publish Date - 2023-06-05T19:52:42+05:30
సీఎం కేసీఆర్‌ (CM KCR) మంగళవారం నాగర్‌కర్నూల్‌ (Nagarkurnool)లో పర్యటించనున్నారు. నూతనంగా ఏర్పడిన జిల్లాల్లో కలెక్టరేట్ల ప్రారంభోత్సవాలకు శ్రీకారం చుట్టారు.
నాగర్‌కర్నూల్‌: సీఎం కేసీఆర్‌ (CM KCR) మంగళవారం నాగర్‌కర్నూల్‌ (Nagarkurnool)లో పర్యటించనున్నారు. నూతనంగా ఏర్పడిన జిల్లాల్లో కలెక్టరేట్ల ప్రారంభోత్సవాలకు శ్రీకారం చుట్టారు. మంగళవారం మధ్యాహ్నం 3:30 గంటలకు నాగర్‌కర్నూల్‌లో కలెక్టరేట్‌, ఎస్పీ కార్యాలయం ప్రారంభించనున్నారు. నాగర్‌కర్నూల్‌లో రూ.52 కోట్లతో 12 ఎకరాల సువిశాల స్థలంలో మూడంతస్తుల్లో సకల హంగులతో కలెక్టరేట్‌ను సుందరంగా తీర్చిదిద్దారు. అలాగే రూ.35 కోట్లతో ఎస్పీ కార్యాలయాన్ని నిర్మించారు. అనంతరం మెడికల్‌ కాలేజ్‌లను ప్రారంభిస్తారు. ఈ తర్వాత బీఆర్‌ఎస్‌ జిల్లా కార్యాలయాన్ని ప్రారంభించి జిల్లా అధ్యక్షుని చేత ప్రమాణ స్వీకారం చేయిస్తారు. ఈ కార్యక్రమాల అనంతరం రేపు సాయంత్రం నాగర్‌కర్నూల్‌లో నిర్వహించే బహిరంగ సభనుద్దేశించి ప్రసంగిస్తారు. అనంతరం బస్సులో హైదరాబాద్‌కు తిరుగు ప్రయాణమవుతారు.
Updated Date - 2023-06-05T19:52:48+05:30 IST