Bandi Sanjay: పీవీ, ఎన్టీఆర్ ఘాట్‌పై చేయి వేస్తే తగిన గుణపాఠం చెప్తాం
ABN, First Publish Date - 2023-06-28T13:38:38+05:30
మాజీ ప్రధాని పీవీ నరసింహారావుకు జయంతి సందర్భంగా పీవీ ఘాట్ వద్ద బీజేపీ రాష్ట్ర అధ్యక్షులు బండి సంజయ్, చింత రామచంద్రారెడ్డి తదితరులు నివాళుర్పించారు.
హైదరాబాద్: మాజీ ప్రధాని పీవీ నరసింహారావుకు (PV Narasimharao) జయంతి సందర్భంగా పీవీ ఘాట్ వద్ద బీజేపీ రాష్ట్ర అధ్యక్షులు బండి సంజయ్ (Bandi Sanjay), చింత రామచంద్రారెడ్డి (Chinta Ramchandra reddy) తదితరులు నివాళుర్పించారు. ఈ సందర్భంగా బండి సంజయ్ మాట్లాడుతూ.. కొందరు మూర్ఖులు పీవీ ఘాట్‌ను కూల్చుతామంటే బీఆర్ఎస్, కాంగ్రెస్‌లు స్పందించలేదని.. పీవీ, ఎన్టీఆర్ ఘాట్‌పై చేయి వేస్తే తగిన గుణపాఠం చెప్తామని హెచ్చరించారు. పీవీ నరసింహారావు బహుభాషా కోవిదుడని.. ఆయన తెలుగు రాష్ట్రాలకు గర్వ కారణమని కొనియాడారు. పీవీ నరసింహారావుకు కేసీఆర్ ఎందుకు నివాళులర్పించడం లేదని ప్రశ్నించారు. బీఆర్ఎస్, కాంగ్రెస్‌లు పీవీ నరసింహారావును విస్మరిస్తున్నాయని మండిపడ్డారు. ఎన్నికలు వస్తున్నాయి కాబట్టి కేసీఆర్‌కు ఇప్పుడు అందరూ గుర్తొస్తారన్నారు. బ్రాహ్మణ సమాజం కేసీఆర్ తీరును గమనించాలని తెలిపారు. ఒక్క రోజుకే మహారాష్ట్ర వెళ్లి నీరసం అయ్యిందా.. కేసీఆర్ అంటూ ఎద్దేవా చేశారు. ఒక్కసారి వచ్చి నివాళులు అర్పించే టైం లేదా అంటూ బండి సంజయ్ ప్రశ్నించారు.
Updated Date - 2023-06-28T13:38:38+05:30 IST