Hyderabad: వెంకటస్వామి కుటుంబానికి కాంగ్రెస్ బంపర్ ఆఫర్
ABN, First Publish Date - 2023-10-29T12:10:41+05:30
హైదరాబాద్: మాజీ ఎంపీ వెంకటస్వామి కుటుంబానికి కాంగ్రెస్ బంపర్ ఆఫర్ ఇచ్చింది. శనివారం ఉదయం బీజేపీ నేత వివేక్‌తో తెలంగాణ పీసీసీ అధ్యక్షుడు రేవంత్ రెడ్డి భేటీ అయ్యారు. ఈ సందర్భంగా కాంగ్రెస్ పార్టీలోకి రావాలని ఆహ్వానించారు.
హైదరాబాద్: మాజీ ఎంపీ వెంకటస్వామి కుటుంబానికి కాంగ్రెస్ బంపర్ ఆఫర్ ఇచ్చింది. శనివారం ఉదయం బీజేపీ నేత వివేక్‌తో తెలంగాణ పీసీసీ అధ్యక్షుడు రేవంత్ రెడ్డి భేటీ అయ్యారు. ఈ సందర్భంగా కాంగ్రెస్ పార్టీలోకి రావాలని ఆహ్వానించారు. దీంతో పార్టీలోకి వచ్చేందుకు వివేక్ సుముఖత వ్యక్తం చేశారు. వివేక్ కుమారుడు వంశీకి చెన్నూరు టికేట్ ఇచ్చేందుకు కాంగ్రెస్ ఒప్పుకుంది. దీంతో వివేక్ పెద్దపల్లి ఎంపీ బరిలోకి దిగనున్నారు. ఇప్పటికే వివేక్ సోదరుడు, మాజీ మంత్రి వినోద్‌కు బెల్లంపల్లి టికెట్ ఇచ్చింది.
కాగా టీపీసీసీ అధ్యక్షుడు రేవంత్‌రెడ్డి శనివారం బీజేపీ నేత, మాజీ ఎంపీ వివేక్ వెంకటస్వామితో భేటీ అయ్యారు. రంగారెడ్డి జిల్లా మొయినాబాద్‌ మండలం అజీజ్‌నగర్‌ పరిధిలోని వివేక్ వ్యవసాయ క్షేత్రానికి రేవంత్ గన్‌మెన్‌ కూడా లేకుండా ఒంటరిగా వచ్చారు. దాదాపు గంటన్నరపాటు ఆయనతో చర్చించారు. ఈ సందర్భంగా వివేక్‌ను కాంగ్రెస్ పార్టీలోకి రావాల్సిందిగా రేవంత్ ఆహ్వానించినట్లు సమాచారం. కాగా, వివేక్ కాంగ్రెస్‌లో చేరతారంటూ కొద్ది రోజులుగా వినిపిస్తున్న ఊహాగానాలకు ఈ భేటీతో బలం చేకూరినట్లయింది.
Updated Date - 2023-10-29T12:25:59+05:30 IST