Hyderabad: బల్కంపేట అమ్మవారి ఆలయంలో కవిత ప్రత్యేక పూజలు
ABN, First Publish Date - 2023-02-17T12:00:11+05:30
హైదరాబాద్: బీఆర్ఎస్ ఎమ్మెల్సీ కల్వకుంట్ల కవిత (MLC Kavitha) శుక్రవారం ఉదయం బల్కంపేట అమ్మవారి ఆలయం (Balkampeta AmmavariTemple)లో ప్రత్యేక పూజలు నిర్వహించారు.
హైదరాబాద్: బీఆర్ఎస్ ఎమ్మెల్సీ కల్వకుంట్ల కవిత (MLC Kavitha) శుక్రవారం ఉదయం బల్కంపేట అమ్మవారి ఆలయం (Balkampeta AmmavariTemple)లో ప్రత్యేక పూజలు నిర్వహించారు. ఆలయ అర్చకులు ఆమెకు పూర్ణకుంభంతో స్వాగతం పలికారు. తన తండ్రి ముఖ్యమంత్రి కేసీఆర్ (CM KCR) పుట్టిన రోజు (Birthday) సందర్భంగా కవిత బల్కంపేట అమ్మవారి ఆలయంలో రాజశ్యామల పూజ (Rajashyamala Puja) నిర్వహించారు. ఈ సందర్భంగా అమ్మవారికి బంగారు ఆభరణాలు (Gold Ornaments) సమర్పించారు.
అనంతరం కవిత మీడియాతో మాట్లాడుతూ సీఎం కేసీఆర్ జన్మదినోత్సవం సందర్భంగా బల్కంపేట ఎల్లమ్మ ఆలయంలో ప్రత్యేక పూజలు నిర్వహించినట్లు చెప్పారు. ముఖ్యమంత్రి ఆయురారోగ్యాలతో సుఖ సంతోషాలతో ఉండాలని అమ్మవారిని మొక్కుకున్నానని అన్నారు. బల్కంపేట అమ్మవారి ఆలయం రోజు రోజుకు అభివృద్ధి చెందుతోందని, భక్తులకు మరిన్ని సౌకర్యాలు కల్పించేందుకు ప్రభుత్వం కృషి చేస్తోందని కవిత పేర్కొన్నారు.
కాగా తెలంగాణ ముఖ్యమంత్రి కేసీఆర్ పుట్టినరోజు వేడుకలు రాష్ట్ర వ్యాప్తంగా బీఆర్ఎస్ నేతలు (BRS Leaders) జరుపుకుంటున్నారు. ఆయన జన్మదినాన్ని పురస్కరించుకుని బీఆర్ఎస్ నేతలు, మద్దతుదారులు, శ్రేయోభిలాషులు పలు కార్యక్రమాలను నిర్వహిస్తున్నారు. రక్తదాన శిబిరాలు, నిరుపేదలకు ఆహారం, దుస్తులు పంపిణీ, సాంస్కృతిక కార్యక్రమాలు నిర్వహిస్తున్నారు. తెలంగాణ రాష్ట్రాన్ని సాధించిన కేసీఆర్‌కు రాష్ట్ర వ్యాప్తంగా శుభాకాంక్షలు తెలుపుతూ అనేక చోట్ల హోర్డింగ్‌లు ఏర్పాటు చేశారు.
Updated Date - 2023-02-17T12:31:16+05:30 IST