BJP List: బీజేపీ మూడో జాబితా వచ్చిందో లేదో.. అలా బయటపడిన అసంతృప్త సెగలు
ABN, First Publish Date - 2023-11-02T16:19:10+05:30
తెలంగాణ బీజేపీ అభ్యర్థుల మూడో జాబితా ఇలా విడుదలైందో లేదో అలా అసంతృప్త నేతలు బయటకొస్తున్నారు. బీజేపీ మూడో జాబితాపై పలువురు బీజేపీ నేతలు అసంతృప్తి వ్యక్తం చేస్తున్నారు. మాజీ మేయర్ బండా కార్తీకరెడ్డి, ముఖేష్ గౌడ్ తనయుడు విక్రమ్ గౌడ్ తీవ్ర నిరాశలో ఉన్నట్లు తెలుస్తోంది.
హైదరాబాద్: తెలంగాణ బీజేపీ అభ్యర్థుల మూడో జాబితా (Telangana BJP Third List) ఇలా విడుదలైందో లేదో అలా అసంతృప్త నేతలు బయటకొస్తున్నారు. బీజేపీ మూడో జాబితాపై పలువురు బీజేపీ నేతలు అసంతృప్తి వ్యక్తం చేస్తున్నారు. మాజీ మేయర్ బండా కార్తీకరెడ్డి (Banda Karthikreddy), ముఖేష్ గౌడ్ తనయుడు విక్రమ్ గౌడ్ (Vikram Goud) తీవ్ర నిరాశలో ఉన్నట్లు తెలుస్తోంది. బండా కార్తీకరెడ్డి సికింద్రాబాద్ టికెట్ ఆశించిన విషయం తెలిసిందే. అలాగే అంబరుపేట, ముషిరాబాద్‌లో ఏదొక సీటు ఇస్తామని విక్రమ్ గౌడ్‌కు కిషన్ రెడ్డి హామీ ఇచ్చినప్పటికీ టికెట్ దక్కలేదు. అటు మహిళా మోర్చాలో ఒక్కరకి కూడా టికెట్ దక్కని పరిస్థితి. సికింద్రాబాద్ పార్లమెంటు పరిధిలో టికెట్ ఆశించిన పలువురు మహిళా నేతలకు నిరాశే ఎదురైంది. జూబ్లీహిల్స్ నుంచి డాక్టర్ విరేపనేని పద్మ, సనత్‌నగర్ నుంచి ఆకుల విజయ, ముషీరాబాద్ నుంచి బండారు విజయలక్ష్మీ, అంబర్పేట నుంచి మహిళ మోర్చా అధ్యక్షురాలు గీతామూర్తి టికెట్ ఆశించి భంగపడ్డారు. మొత్తానికి చూస్తే మహిళా మోర్చాలో ఒక్కరికి కూడా టికెట్ ఇవ్వలేదని నేతలు ఆవేదన చెందుతున్నారు.
Updated Date - 2023-11-02T16:57:32+05:30 IST