Hyderabad: పెను విషాదం.. నాంపల్లి అగ్నిప్రమాదంలో ఒకే కుటుంబంలో ఆరుగురు మృతి
ABN, First Publish Date - 2023-11-13T13:19:18+05:30
నాంపల్లి బజార్‌ఘాట్‌లో సోమవారం తెల్లవారుజామున జరిగిన అగ్నిప్రమాదం ఓ కుటుంబంలో పెను విషాదాన్ని నింపింది.
హైదరాబాద్: నాంపల్లి బజార్‌ఘాట్‌లో సోమవారం తెల్లవారుజామున జరిగిన అగ్నిప్రమాదం ఓ కుటుంబంలో పెను విషాదాన్ని నింపింది. ఈ ప్రమాదంలో ఒకే కుటుంబానికి చెందిన ఆరుగురు మృతి చెందడం అందరినీ కలిచివేసింది. నాలుగు అంతస్థుల భవనంలో గ్రౌండ్‌ఫ్లోర్‌లోని గ్యారేజ్‌లో అగ్నిప్రమాదం సంభవించగా.. పెద్ద ఎత్తున మంటలు పై అంతస్థుల వరకు వ్యాపించాయి. ఈ ప్రమాదంలో మొత్తం తొమ్మిది మంది మరణించారు. మృతుల్లో ఆరుగురు ఓకే కుటుంబానికి చెందిన వారు కావడంతో బంధువులు కన్నీరుమున్నీరుగా విలపిస్తున్నారు. ఈ ప్రమాదంలో మరణించిన బీడీఎస్ డాక్టర్ తహూరా ఫర్హీన్ సెలవులు కావడంతో తన ఇద్దరు చిన్నారులతో కలిసి తల్లిదండ్రుల ఇంటికి వచ్చింది. ఈ క్రమంలో ఉదయం జరిగిన ప్రమాదంలో తన ఇద్దరు చిన్నారులతో సహా ఫర్ఫీన్ ప్రాణాలు కోల్పోయింది.
మృతుల వివరాలు...
భార్యాభర్తలు మహ్మద్ ఆజమ్ (54), రెహ్మాన్ సుల్తానా (50), వీరి కుమార్తెలు హసీబ్ ఉర్ రెహమాన్ (32), ఫైజా సమీన్ (26), కుమారుడు తహూరా ఫర్హీన్(35), మనవరాళ్లు తూబా(6), తరూబా(13) మృతి చెందారు. అలాగే మరో దంపతులు ఎండీ జాకీర్ హుస్సేన్ (66), నిక్కత్ సుల్తాన్ (55) ప్రాణాలు కోల్పోయారు.
Updated Date - 2023-11-13T13:22:03+05:30 IST