Nandamuri Family: ఎన్టీఆర్ శతజయంతి ఉత్సవాల్లో నందమూరి కుటుంబసభ్యులకు ఆహ్వానం
ABN, First Publish Date - 2023-05-15T15:41:15+05:30
స్వర్గీయ నందమూరి తారకరామారావు శతజయంతి ఉత్సవాలకు కుటుంబసభ్యులను కమిటీ ఆహ్వానించింది.
అమరావతి: స్వర్గీయ నందమూరి తారకరామారావు శతజయంతి ఉత్సవాలకు (NTR centenary celebrations) కుటుంబసభ్యులను కమిటీ ఆహ్వానించింది. సోమవారం జూనియర్ ఎన్టీఆర్‌ను (Junion NTR) శతజయంతి ఉత్సవాలకు రావాల్సిందిగా ఎన్టీఆర్ లిటరేచర్, సావనీర్ అండ్ వెబ్సైట్ కమిటీ ఆహ్వానించింది. ఈ నెల 20న సాయంత్రం 5 గంటలకు హైదరాబాద్ కేపీహెచ్‌బీలోని కైకలాపూర్ మైదానంలో జయహో ఎన్టీఆర్ వెబ్సైట్ ఆవిష్కరణ జరుగనుంది. ఈ వెబ్సైట్ నిర్వహణపై నిన్న చంద్రబాబు (TDP Chief Chandrababu)తో కమిటీ సమావేశమైంది. వెబ్సైట్ ఆవిష్కరణకు ఎవరెవరిని ఆహ్వానించాలనే దానిపై నిర్ణయం తీసుకున్నారు. ఇందులో భాగంగా ఈరోజు కమిటీ చైర్మన్ టీడీ జనార్దన్ స్వయంగా ఎన్టీఆర్ కుటుంబ సభ్యులను కలిసి ఆహ్వానం అందించి రావాల్సిందిగా విజ్ఞప్తి చేశారు. జూనియర్ ఎన్టీఆర్, దగ్గుబాటి దంపతులు, నందమూరి జయకృష్ణ, నందమూరి మోహన కృష్ణ, గారపాటి లోకేశ్వరి, కంటమనేని ఉమా శ్రీనివాస్ ప్రసాద్, నందమూరి కళ్యాణ్‌ చక్రవర్తి, నందమూరి కళ్యాణ్‌ రామ్, కాట్రగడ్డ రుక్మాంగదరరావులకు ఆహ్వాన పత్రాలు అందించారు. నందమూరి రామకృష్ణతో కలిసి వెళ్లి టీడీ జనార్దన్ నందమూరి కుటుంబసభ్యులను ఆహ్వానించారు. జూనియర్ ఎన్టీఆర్ నివాసానికి టీడీ జనార్దన్, రామకృష్ణ వెళ్లి ఆహ్వానపత్రికను అందజేశారు.
Updated Date - 2023-05-15T15:46:26+05:30 IST