Hyderabad: ఈనెల 8న హైదరాబాద్‌కు ప్రధాని రాక
ABN, First Publish Date - 2023-04-01T09:26:21+05:30
ప్రధానమంత్రి నరేంద్రమోదీ(PM Modi) ఏప్రిల్‌ 8న నగరానికి రానున్న నేపథ్యంలో అధికారులు ఏర్పాట్లు పరిశీలించారు.
8న వందేభారత్‌ ఎక్స్‌ప్రెస్ ప్రారంభం
సికింద్రాబాద్‌(ఆంధ్రజ్యోతి): ప్రధానమంత్రి నరేంద్రమోదీ(PM Modi) ఏప్రిల్‌ 8న నగరానికి రానున్న నేపథ్యంలో అధికారులు ఏర్పాట్లు పరిశీలించారు. సికింద్రాబాద్‌ రైల్వేస్టేషన్‌లో ప్రధాని సికింద్రాబాద్‌-తిరుపతి(Secunderabad - Thirupathi) వందేభారత్‌ ఎక్స్‌ప్రె్‌స(Vande Bharat Express)కు పచ్చజెండా ఊపి ప్రారంభించనున్నారు. తర్వాత సికింద్రాబాద్‌ పరేడ్‌గ్రౌండ్‌లో రైల్వేస్టేషన్‌ పునరభివృద్ధి పనులకు శంకుస్థాపన చేస్తారు.
ఎంఎంటీఎస్‌(MMTS) రెండో విడత ప్రాజెక్టులో భాగంగా సికింద్రాబాద్‌-మేడ్చల్‌, ఫలక్‌నుమా-ఉందానగర్‌ సబర్బన్‌ రైలు సర్వీసులను ప్రారంభిస్తారు. ప్రధాని కార్యక్రమం నేపథ్యంలో దక్షిణమధ్య రైల్వే జనరల్‌ మేనేజర్‌ అరుణ్‌కుమార్‌జైన్‌, కంటోన్మెంట్‌ బోర్డు నామినేటెడ్‌ సభ్యుడు జే.రామకృష్ణ శుక్రవారం పరేడ్‌గ్రౌండ్‌లో ఏర్పాట్లు పరిశీలించారు.
Updated Date - 2023-04-01T10:15:12+05:30 IST