TS Assembly: ముగిసిన తెలంగాణ అసెంబ్లీ.. 14కు వాయిదా
ABN, First Publish Date - 2023-12-09T13:29:21+05:30
Telangana: తొలిరోజు తెలంగాణ అసెంబ్లీ సమావేశం ముగిసింది. శనివారం ఉదయం సభ మొదలవగా నూతనంగా ఎన్నికైన ఎమ్మెల్యేలు ప్రమాణ స్వీకారం చేశారు.
హైదరాబాద్: తొలిరోజు తెలంగాణ అసెంబ్లీ సమావేశం (Telangana Assembly Session) ముగిసింది. శనివారం ఉదయం సభ మొదలవగా నూతనంగా ఎన్నికైన ఎమ్మెల్యేలు ప్రమాణ స్వీకారం చేశారు. ప్రోటెం స్పీకర్ అక్బరుద్దీన్ ఓవైసీ (Protem Speaker Akbaruddin Owaisi) కొత్త ఎమ్మెల్యేల చేత ప్రమాణ స్వీకారం చేయించారు. ముందుగా ముఖ్యమంత్రి రేవంత్ రెడ్డి (CM Revanth Reddy), ఉపముఖ్యమంత్రి మల్లు భట్టి విక్రమార్క (Deputy CM Mallu Bhatti Vikramarka), మంత్రుల ప్రమాణస్వీకారం అనంతరం మిగిలిన ఎమ్మెల్యేలు ఒక్కొక్కురుగా ప్రమాణ స్వీకారం చేశారు. మొత్తం 119 మంది ఎమ్మెల్యేలకు గాను 109 మంది సభలో ప్రమాణ స్వీకారం చేశారు. ఎమ్మెల్యేల ప్రమాణ స్వీకారం అనంతరం ప్రొటెం స్పీకర్ సభను ఈనెల 14కు వాయిదా వేశారు.
ఈరోజు సభకు 10 మంది సభ్యులు గైర్హాజరయ్యారు. మాజీ ముఖ్యమంత్రి కేసీఆర్ అనారోగ్య కారణంగా సభకు హాజరుకాలేదు. కేసీఆర్ వెంటే హాస్పటల్‌లో ఉండటంతో మాజీ మంత్రి కేటీఆర్ కూడా సభకు రాలేదు. అలాగే ఎనిమిది మంది బీజేపీ ఎమ్మెల్యేలు అసెంబ్లీ సమావేశాలను బహిష్కరించారు.
Updated Date - 2023-12-09T13:29:22+05:30 IST