T.BJP Chief: హస్తినకు కిషన్ రెడ్డి
ABN, First Publish Date - 2023-10-04T10:41:12+05:30
తెలంగాణ రాష్ట్ర అధ్యక్షులు, కేంద్రమంత్రి కిషన్‌రెడ్డి హుటాహుటిన ఢిల్లీకి బయలుదేరి వెళ్లారు.
హైదరాబాద్: తెలంగాణ రాష్ట్ర అధ్యక్షులు, కేంద్రమంత్రి కిషన్‌రెడ్డి (Telangana BJP Chief Kishan Reddy) హుటాహుటిన ఢిల్లీకి బయలుదేరి వెళ్లారు. ఢిల్లీ పెద్దల నుంచి అత్యవసర ఫోన్ కాల్ రావటంతో బీజేపీ అధ్యక్షుడు దేశరాజధానికి బయలుదేరి వెళ్లారు. కేంద్ర క్యాబినెట్ సమావేశంలో తెలంగాణ అంశాలు ఉన్నట్లు సమాచారం. మరోవైపు బీజేపీ అగ్రనేత అమిత్ షాతో కిషన్‌రెడ్డి సమావేశంకానున్నారు. తెలంగాణ అసెంబ్లీ ఎన్నికలపై చర్చించే అవకాశం ఉన్నట్లు తెలుస్తోంది. కిషన్‌రెడ్డి ఢిల్లీ పర్యటనపై సర్వత్రా ఆసక్తి నెలకొంది.
మరోవైపు తెలంగాణలో అసెంబ్లీ ఎన్నికలు సమీపిస్తున్న వేళ ఈ సారి ఎలాగైనా అధికారం చేజిక్కిచ్చుకోవాలని బీజేపీ ప్రణాళికలు రూపొందిస్తోంది. బీజేపీ జాతీయ నేతలు తెలంగాణలో పర్యటిస్తూ బహిరంగ సభలో తమ సంక్షేమ పథకాలను ప్రజలకు వివరిస్తూ వారి ఓట్లు రాబట్టే పనిలో పడ్డారు. ఇటీవల ప్రధాన మంత్రి నరేంద్ర మోదీ కూడా రెండు సార్లు తెలంగాణలో పర్యటించి బీజేపీ నేతలు, కార్యకర్తలో జోష్‌ను నింపారు. ఈనెలలో తెలంగాణ ఎన్నికల నోటిఫికేషన్ విడుదలయ్యే అవకాశాలు కనిపిస్తున్నాయి. దీంతో ఆయా పార్టీ ఎన్నికలకు సన్నద్ధమవుతున్నారు.
Updated Date - 2023-10-04T10:41:12+05:30 IST