VIJAYASHANTI:బండి సంజయ్ నేతృత్వంలోనే ఎన్నికలకు సిద్ధం
ABN, First Publish Date - 2023-01-08T23:12:51+05:30
తెలంగాణ(Telangana)లో ఎన్నికలు(Elections) ఎప్పుడొచ్చినా బీజేపీ(BJP) రాష్ట్ర అధ్యక్షుడు బండి సంజయ్(Bandi Sanjay) నేతృత్వంలోనే ఎన్నికలకు సిద్ధమని బీజేపీ సీనియర్ నేత విజయశాంతి (Vijayashanti) తేల్చి చెప్పారు.
హైదరాబాద్: తెలంగాణ(Telangana)లో ఎన్నికలు(Elections) ఎప్పుడొచ్చినా బీజేపీ(BJP) రాష్ట్ర అధ్యక్షుడు బండి సంజయ్(Bandi Sanjay) నేతృత్వంలోనే ఎన్నికలకు సిద్ధమని బీజేపీ సీనియర్ నేత విజయశాంతి (Vijayashanti) తేల్చి చెప్పారు. ఆదివారం సోషల్ మీడియా(Social media)లో రాములమ్మ ఓ పోస్ట్ చేశారు. ఆ పోస్ట్‌ని యథాప్రకారం ఇస్తున్నాం.‘‘టీపీసీసీ అధ్యక్షులు రేవంత్‌రెడ్డి(Revanth Reddy) రాష్ట్ర కాంగ్రెస్‌(Congress)లో ఎదుర్కుంటున్న పరిణామాలపై సోషల్ మీడియాలో నా స్పందన చూసి, బీజేపీలోనూ రాష్ట్ర నాయకత్వ మార్పని అసంబద్ధ ఊహాగానాలను కొందరు బీజేపీ వ్యతిరేకులు లేవనెత్తుతున్నారు. ఈ అంశంపై మా రాష్ట్ర వ్యవహారాల ఇన్‌ఛార్జి తరుణ్‌చుగ్(Tarunchug), కేంద్రమంత్రి కిషన్‌రెడ్డి(Kishan Reddy)సైతం స్పష్టతనిచ్చారు. తెలంగాణ బీజేపీ నాయకత్వంలో మార్పు ఉండదని స్పష్టం చెయ్యడమే గాక అరకొర సమాచారాన్ని నమ్మి చిలవలు పలవలు చేసి ప్రచారం చేసేవారికి ఇంతకు మించి చెప్పాల్సిందేమీ లేదు. రేపటి విజయం బీజేపీది, ఫలితం తెలంగాణ ప్రజలందరిదీ’’ అని విజయశాంతి స్పష్టం చేశారు.
Updated Date - 2023-01-08T23:25:29+05:30 IST