BRS: తెలంగాణలో ఎన్నికలపై గుత్తా ఆసక్తికర వ్యాఖ్యలు
ABN, First Publish Date - 2023-09-13T10:35:03+05:30
తెలంగాణలో ఎన్నికలపై శాసనమండలి ఛైర్మెన్ గుత్తా సుఖేందర్ రెడ్డి ఆసక్తికర వ్యాఖ్యలు చేశారు.
నల్గొండ: తెలంగాణలో ఎన్నికలపై శాసనమండలి ఛైర్మెన్ గుత్తా సుఖేందర్ రెడ్డి (Gutta Sukhender Reddy) ఆసక్తికర వ్యాఖ్యలు చేశారు. బుధవారం మీడియాతో మాట్లాడుతూ... జనవరి 16లోపు తెలంగాణతో (Telangana Elections) పాటు ఐదు రాష్ట్రాల్లో ఎన్నికలు జరుగుతాయని స్పష్టం చేశారు. జమిలి ఎన్నికల పేరుతో కేంద్రం జిమ్మిక్కులు ప్రదర్శిస్తుందని విమర్శించారు. ఎన్నికలు దగ్గర పడ్డాయంటూ ప్రజలను తప్పుదోవ పట్టిస్తున్నారన్నారు. ఎప్పుడు ఎన్నికలు వచ్చినా మూడో సారి కేసీఆర్ ప్రభుత్వం ఏర్పాటు అవుతుందని ధీమా వ్యక్తం చేశారు. వైఎస్ షర్మిల లాంటి సమైక్యవాదులు రాష్ట్రంలో చొరబడ్డారన్నారు. తెలంగాణా వ్యతిరేకులంతా ఏకమవుతున్నారన్నారు. కాంగ్రెస్ నేతలు జానా, కోమటిరెడ్డి, ఉత్తమ్ తలా ఒకదారి ఎంచుకున్నారని గుత్తా సుఖేందర్ రెడ్డి పేర్కొన్నారు.
Updated Date - 2023-09-13T10:35:03+05:30 IST