Nalgonda Dist: బెల్ట్ షాపుల మూసివేతపై ఎమ్మెల్యే రాజగోపాల్ రెడ్డి సమీక్ష
ABN, Publish Date - Dec 25 , 2023 | 02:06 PM
నల్గొండ జిల్లా: మునుగోడులోని క్యాంపు కార్యాలయంలో బెల్ట్ షాపుల మూసివేతపై ఎమ్మెల్యే కోమటిరెడ్డి రాజ్ గోపాల్ రెడ్డి సోమవారం సమీక్ష సమావేశం నిర్వహించారు. ఈ సందర్భంగా ఆయన మీడియాతో మాట్లాడుతూ తాగుడు వల్ల ఎన్నో కుటుంబాలు నాశనం అవుతున్నాయని ఆవేదన వ్యక్తం చేశారు.
నల్గొండ జిల్లా: మునుగోడులోని క్యాంపు కార్యాలయంలో బెల్ట్ షాపుల మూసివేతపై ఎమ్మెల్యే కోమటిరెడ్డి రాజ్ గోపాల్ రెడ్డి సోమవారం సమీక్ష సమావేశం నిర్వహించారు. ఈ సందర్భంగా ఆయన మీడియాతో మాట్లాడుతూ తాగుడు వల్ల ఎన్నో కుటుంబాలు నాశనం అవుతున్నాయని ఆవేదన వ్యక్తం చేశారు. అయితే తాను మద్యపానానికి వ్యతిరేకం కాదని, మద్యం ఎక్కడబడితే అక్కడ దొరకడంతో చాలా ఎఫెక్ట్ అవుతోందన్నారు. గ్రామాల్లో నాయకులందరూ ఏకమై బెల్టు షాపు లేకుండా చేయాలని సూచించారు. ఈ విషయంలో తన పదవి పోయినా పర్వాలేదని... బెల్ట్ షాపులు మాత్రం మూసివేయాల్సిందేనని అన్నారు. ఈ ఉద్యమం మునుగోడు నుంచే మొదలవ్వాలని, ప్రతి గ్రామంలో పది మందితో ఒక కమిటీ వేయాలని ఎమ్మెల్యే కోమటిరెడ్డి రాజ్ గోపాల్ రెడ్డి వ్యాఖ్యానించారు.
Updated Date - Dec 25 , 2023 | 02:44 PM
