Shabbir Ali: కవిత మీ కుటుంబంతో కర్ణాటకకు రండి
ABN, First Publish Date - 2023-08-28T15:03:12+05:30
కాంగ్రెస్ పార్టీ చెప్పినది చేస్తోందని మాజీ మంత్రి షబ్బీర్ అలీ అన్నారు.
కామారెడ్డి: కాంగ్రెస్ పార్టీ చెప్పినది చేస్తోందని మాజీ మంత్రి షబ్బీర్ అలీ (Former Minister Shabbir Ali)అన్నారు. సోమవారం మీడియాతో మాట్లాడుతూ... బీఆర్ఎస్, సీఎం కేసీఆర్‌పై విరుచుకుపడ్డారు. తెలంగాణ రాష్ట్రం కాంగ్రెస్ పార్టీ ఇస్తేనే... తమరు తెలంగాణ రాష్ట్రంలో అధికారంలో ఉన్నారని చెప్పుకొచ్చారు. కేసీఆర్ (CM KCR) మహారాష్ట్ర‌కు ఎందుకు వెళ్తున్నారో.. రాష్ట్ర సంపదను మహారాష్ట్రలో ఎందుకు ఖర్చు చేస్తున్నారని ప్రశ్నించారు. దళితులు గురించే మాట్లాడే నైతిక హక్కు బీఆర్ఎస్‌కు లేదన్నారు. ‘‘కర్ణాటకలో బీఆర్ఎస్ పార్టీ ఉంది కదా... మీ నాయకులను అడగండి కాంగ్రెస్ పార్టీ ఏం చేసిందో. కవిత మీ కుటుంబంతో కర్ణాటకకు రండి... ప్రజాదర్బార్ నిర్వహిద్దాం’’ అని అన్నారు. మంత్రులకే అపాయిట్‌మెంట్ ఇవ్వాని కేసీఆర్ కామారెడ్డికి వచ్చి ఏం చేస్తారని నిలదీశారు. 50 సంవత్సరాలు తెలంగాణ కావాలని పోరాడిన బిడ్డ గద్దర్‌కు కేసీఆర్ ఒక్కసారి కూడా ప్రగతి భవన్‌కు రానివ్వలేదన్నారు. అమిత్ షా పచ్చి అబద్దాల మనిషి అని.. బీఆర్ఎస్, కాంగ్రెస్ పార్టీ ఎప్పుడూ ఒక్కటి కాదు అని స్పష్టం చేశారు. బీఆర్ఎస్, బీజేపీ పార్టీలు అలైబలై చేసుకుని ప్రజలను మోసం చేశారని విమర్శించారు. ముదిరాజ్ సోదారులకు కులవృత్తి లేదని... అలాంటి వారికి ఒక్క ఎమ్మెల్యే టిక్కెట్ ఇవ్వలేదని షబ్బీర్ అలీ వ్యాఖ్యలు చేశారు.
Updated Date - 2023-08-28T15:03:12+05:30 IST