ponguleti: మాజీఎంపీ పొంగులేటి సంచలన కామెంట్స్.. ఆయన ఏమన్నారో తెలిస్తే...
ABN, First Publish Date - 2023-08-22T12:15:53+05:30
మాజీ ఎంపీ పొంగులేటి శ్రీనివాసరెడ్డి(Ponguleti Srinivasa Reddy) కాంగ్రెస్‌ క్యాంపు కార్యాలయంలో సోమవారం కొత్తగూడెం మున్సిపాలిటి
కొత్తగూడెం, (ఆంధ్రజ్యోతి): మాజీ ఎంపీ పొంగులేటి శ్రీనివాసరెడ్డి(Ponguleti Srinivasa Reddy) కాంగ్రెస్‌ క్యాంపు కార్యాలయంలో సోమవారం కొత్తగూడెం మున్సిపాలిటి పరిధిలోని పలు వార్డులకు చెందిన వివిధ పార్టీల నుంచి సుమారు 250మంది కాంగ్రెస్‌ పార్టీలో చేరారు. కాంగ్రెస్‌ పార్టీలో చేరిన వారికి కండువా కప్పి ఆహ్వానించారు. పొంగులేటి మాట్లాడుతూ ఇప్పటి నుంచి అందరం యుద్దానికి సిద్దంగా ఉండాలని పిలుపునిచ్చారు. కాంగ్రెస్‌ పార్టీలో సిస్టం ప్రకారం ఎమ్మెల్యే అభ్యర్థుల ఎంపికలు జరుగుతున్నాయని, కాంగ్రెస్‌ పార్టీ రాష్ట్ర పార్టీ కాదు జాతీయ పార్టీ త్వరలో పోటీ చేసే ఎమ్మెల్యే అభ్యర్థుల లిస్టు వస్తుందన్నారు. ముఖ్యమంత్రి కేసీఆర్‌ చేసిన ఉద్యమం వల్ల రాష్ట్రం ఏర్పడలేదని, సోనియా గాంధీ(Sonia Gandhi) దయతో రాష్ట్రం వచ్చిందని స్వయంగా ముఖ్యమంత్రి కేసీఆర్‌(Chief Minister KCR) అసెంబ్లీ సాక్షిగా చెప్పిన మాట నిజం కాదా అని గుర్తు చేశారు. కేసీఆర్‌లా సోనియా గాంధీ మాట తప్పలేదని, కేసీఆర్‌ పిట్టల దొర మాటలు నమ్మి రాష్ట్ర ప్రజలు రెండు సార్లు మోసపోయారన్నారు. ఎన్నికల సమయంలో ఓట్ల కోసమే కేసీఆర్‌కు రైతు రుణమాఫీ గుర్తుకొచ్చిందని విమర్శించారు. మద్యం కుంభకోణం కేసులో కేంద్రంలోని బీజేపీ ప్రభుత్వం, రాష్ట్రంలోని బీఆర్‌ఎస్‌ దోబుచులాడుతున్నాయన్నారు. రాబోయే ఎన్నికల్లో కాంగ్రెస్‌ ప్రభుత్వం అధికారంలోకి రాగానే ఎన్నికల హమీలను తప్పకుండ అమలు చేస్తుందన్నారు. ఉమ్మడి జిల్లాలో కాంగ్రెస్‌ కార్యకర్తలకు ఎటువంటి ఇబ్బందులు వచ్చినా అండగా నేనుంటానని కాంగ్రెస్‌ కార్యకర్తలు హామీ ఇచ్చారు. కార్యక్రమంలో పార్టీ నాయకులు, కార్యకర్తలు పాల్గొన్నారు.
Updated Date - 2023-08-22T12:15:53+05:30 IST