Varla Ramaiah: డీజీపీకి టీడీపీ నేత వర్ల రామయ్య లేఖ.. చంద్రబాబు టూర్‌లో భద్రతా వైఫల్యాలు చోటుచేసుకున్నా..
ABN, First Publish Date - 2023-08-01T17:40:54+05:30
ఏపీ డీజీపీకి (Dgp) టీడీపీ పొలిట్ బ్యూరో సభ్యులు వర్ల రామయ్య లేఖ (TDP leader Varla Ramaiah) రాశారు.
అమరావతి: ఏపీ డీజీపీకి (Dgp) టీడీపీ పొలిట్ బ్యూరో సభ్యులు వర్ల రామయ్య లేఖ (TDP leader Varla Ramaiah) రాశారు.
"నేటి నుంచి పదిరోజుల పాటు చంద్రబాబు నాయుడు నీటిపారుదల ప్రాజెక్టులు సందర్శన చేస్తున్నారు. గత ప్రభుత్వంలో చేపట్టిన అనేక నీటి పారుదల ప్రాజెక్టులను, త్రాగునీటి పథకాలను వైసీపీ ప్రభుత్వం నిలిపివేసింది. గత ప్రభుత్వంలో వందల కోట్ల ప్రజాధనం ఖర్చు చేసిన ప్రాజెక్టులు నేడు శిధిలావస్తలో కొట్టుమిట్టాడుతున్నాయి. పొలాలకు సాగునీరు అందక రైతులు ఇబ్బందులు పడుతున్నారు. రైతుల బాధలు దృష్టిలో ఉంచుకుని ప్రజల్లో చైతన్యం తీసుకొచ్చేందుకు ప్రతిపక్షనేత నారా చంద్రబాబునాయుడు ప్రాజెక్టుల సందర్శన చేపట్టారు.
చంద్రబాబునాయుడు పర్యటనలకు తగిన భద్రతా ఏర్పాట్లు చేయండి. గతంలో సైతం చంద్రబాబు నాయుడు భద్రతలో అనేక వైఫల్యాల చోటుచేసుకున్నాయి. కొంతమంది పోలీసు అధికారులు కొన్ని దురుద్దేశాలతో భద్రతా ఏర్పాట్లను సరిగా చేయడం లేదు. అటువంటి అధికారులు తన విధులు సక్రమంగా నిర్వహించేలా ఆదేశించండి. టూర్ షెడ్యూల్‌ను లేఖకు జతచేశారు. టూర్‌లో ఎటువంటి భద్రతా వైఫల్యాలు చోటుచేసుకున్నా పరిణామాలు తీవ్రంగా ఉంటాయి." అని వర్ల రామయ్య అన్నారు.
Updated Date - 2023-08-01T17:42:52+05:30 IST