KCR: మాట నిలబెట్టుకుంటే మంచిది.. కేసీఆర్‌కు జగ్గారెడ్డి సూచన
ABN, First Publish Date - 2023-03-05T15:39:27+05:30
సీఎం కేసీఆర్ (CM KCR)కు కాంగ్రెస్ (Congress) ఎమ్మెల్యే జగ్గారెడ్డి (Jaggareddy) లేఖ రాశారు.
హైదరాబాద్: సీఎం కేసీఆర్ (CM KCR)కు కాంగ్రెస్ (Congress) ఎమ్మెల్యే జగ్గారెడ్డి (Jaggareddy) లేఖ రాశారు. 1996 బ్యాచ్ పోలీసులకు ప్రమోషన్ ఇవ్వాలని లేఖలో పేర్కొన్నారు. 26ఏళ్లుగా ప్రమోషన్ కోసం ఎదురుచూస్తున్నారని ఆయన గుర్తుచేశారు. అలాగే 100 మందికి పైగా ఉన్న సీఐల అభ్యర్థనను పరిశీలించాలన్నారు. త్వరగా డీఎస్పీలుగా ప్రమోషన్ ఇవ్వాలని లేఖలో జగ్గారెడ్డి పేర్కొన్నారు. హోంగార్డులను పర్మినెంట్ చేయాలని ఆయన లేఖలో కోరారు. రాష్ట్రంలో మొత్తం 16 వేల మంది హోంగార్డులు పనిచేస్తున్నారని.. గతంలో వారిని పర్మినెంట్ చేస్తానని కేసీఆర్ హామీ ఇచ్చారని జగ్గారెడ్డి గుర్తుచేశారు. దీనితో పాటు హోంగార్డులు ఎక్కడ విధులు నిర్వర్తిస్తే అక్కడ డబుల్ బెడ్ రూమ్ ఇళ్లు ఇస్తామన్న విషయాన్ని కూడా జగ్గారెడ్డి ప్రస్తావించారు. ఇటీవల జరిగిన అసెంబ్లీ సమావేశాల్లో ఈ అంశం ప్రస్తావించినట్లు ఆయన తెలిపారు. పర్మినెంట్ చేయడం వల్ల హోంగార్డులకు అన్ని రకాల ప్రయోజనాలు అందుతాయన్నారు. ప్రభుత్వం కూడా ఇచ్చిన మాట నిలబెట్టుకున్నట్లు అవుతుందన్నారు.
Updated Date - 2023-03-05T15:39:27+05:30 IST