TS NEWS: ఆర్టీసీ బస్సులో ఉరేసుకుని కండక్టర్ ఆత్మహత్య
ABN, First Publish Date - 2023-03-12T18:52:34+05:30
తొర్రూర్ ఆర్టీసీ (TSRTC) డిపోలో విషాదం చోటు చేసుకుంది.
మహబూబాబాద్‌: తొర్రూర్ ఆర్టీసీ (TSRTC) డిపోలో విషాదం చోటు చేసుకుంది. ఆర్టీసీ బస్సులో ఉరేసుకుని కండక్టర్ మహేందర్‌రెడ్డి ఆత్మహత్య (Conductor Mahender Reddy suicide) చేసుకున్నారని తోటి సిబ్బంది చెబుతున్నారు. కండక్టర్ ఆత్మహత్యపై దర్యాప్తు చేస్తున్నట్లు పోలీసులు తెలిపారు. ఈ ఘటనపై తొర్రూర్ ఆర్టీసీ సిబ్బందితోపాటు అధికారులు ఆందోళన వ్యక్తం చేస్తున్నారు. మహేందర్ రెడ్డి ఆత్మహత్యకు గల కారణాలపై వేగంగా విచారణ జరపాలని కుటుంబ సభ్యులు, బంధువులు డిమాండ్ చేస్తున్నారు.
ఈ ఘటనపై సమాచారం అందడంతో కుటుంబ సభ్యులు హుటాహుటిన ఘటనా స్థలానికి చేరుకొని కన్నీటిపర్యంతమయ్యారు. మృతుడి ఆత్మహత్యకు కారణమైన వారిపై కఠిన చర్యలు తీసుకోవాలని కుటుంబ సభ్యులు డిమాండ్ చేస్తున్నారు. ఆర్టీసీ అధికారుల ఒత్తిడి వల్లే తమ బిడ్డ ఆత్మహత్య చేసుకున్నారని మృతుడి తల్లిదండ్రులు, కుటుంబ సభ్యులు, బంధువులు ఆరోపిస్తున్నారు.
Updated Date - 2023-03-12T18:55:02+05:30 IST