Kumara Swamy: ములుగు డీసీసీ అధ్యక్షులు కుమార్ స్వామి కన్నుమూత
ABN, First Publish Date - 2023-02-23T10:28:45+05:30
ములుగు డీసీసీ అధ్యక్షులు కుమార్ స్వామి కన్నుమూశారు.
ములుగు: ములుగు డీసీసీ అధ్యక్షులు కుమార్ స్వామి (Mulugu DCC President Kumar Swamy) కన్నుమూశారు. గత కొంత కాలంగా అనారోగ్యంతో బాధ పడుతున్న కుమార స్వామి గురువారం తుదిశ్వాస విడిచారు. కుమార స్వామి మృతి పట్ల టీపీసీసీ అధ్యక్షులు రేవంత్ రెడ్డి (TPCC Chief Revanth Reddy) ప్రగాఢ సంతాపం వ్యక్తం చేశారు. కుమార స్వామి సీనియర్ రాజకీయ నాయకులుగా నిత్యం ప్రజలతో సత్సంబంధాలు ఏర్పరుచుకొని ప్రజల సమస్యలపై పోరాటాలు చేశారన్నారు. రెండు సార్లు ములుగు సర్పంచ్‌గా, ములుగు ఎంపీపీగా పని చేసి ములుగు ప్రాంత అభివృద్ధికి ఎనలేని కృషి చేశారని తెలిపారు. ములుగు జిల్లా కాంగ్రెస్ పార్టీ అధ్యక్షులుగా పార్టీ అభివృద్ధికి ఎంతో శ్రమించిన కుమార స్వామి మరణం పార్టీకి తీరని లోటని ఆవేదన చెందారు. ఆయన ఆత్మకు శాంతి చేకూరాలని భగవంతుణ్ణి ప్రార్థిస్తూ.. ఆయన కుటుంబానికి రేవంత్ ప్రగాఢ సానుభతిని తెలియజేశారు. కాంగ్రెస్ పార్టీ తరపున ఆయనకు సంతాపం ప్రకటించి నివాళులు అర్పించడానికి టీపీసీసీ సీనియర్ ఉపాధ్యక్షులు వేం నరేందర్ రెడ్డి ములుగుకు వెళ్లి అంత్యక్రియలల్లో పాల్గొంటారని రేవంత్ రెడ్డి తెలిపారు.
Updated Date - 2023-02-23T10:49:15+05:30 IST