Rajaiah: పార్టీ మారడంపై ఎమ్మెల్యే రాజయ్య కీలక వ్యాఖ్యలు
ABN, First Publish Date - 2023-08-29T13:42:04+05:30
బీఆర్ఎస్ టికెట్ నిరాకరణ తర్వాత స్టేషన్‌ఘన్‌పూర్ ఎమ్మెల్యే రాజయ్య ఏబీఎన్‌ - ఆంధ్రజ్యోతితో తొలిసారిగా మాట్లాడారు.
హనుమకొండ: బీఆర్ఎస్ టికెట్ నిరాకరణ తర్వాత స్టేషన్‌ఘన్‌పూర్ ఎమ్మెల్యే రాజయ్య (StationGhanpur MLA Rajaiah) ఏబీఎన్‌ - ఆంధ్రజ్యోతితో (ABN - Andhrajyothy) తొలిసారిగా మాట్లాడారు. ఈ క్రమంలో పార్టీ మారడంపై ఎమ్మెల్యే కీలక వ్యాఖ్యలు చేశారు. తన భవిష్యత్‌ను కాలమే నిర్ణయిస్తుందన్నారు. కేసీఆర్ (CM KCR) టికెట్ ఇస్తారని ఆశిస్తున్నానట్లు తెలిపారు. టికెట్ రాకపోయినా ప్రజాజీవితంలోనే ఉంటానన్నారు. ఎమ్మెల్సీ, ఎంపీ పదవులు ఇస్తామని అంటున్నారని... కానీ తనకు ఎమ్మెల్యేనే కావాలని స్పష్టం చేశారు. పార్టీ మారడమా లేదా అనేది కాలమే నిర్ణయిస్తుందంటూ ఎమ్మెల్యే వ్యాఖ్యలు చేశారు. తెలంగాణ ఉద్యమంలో మాదిగల పాత్ర కీలకమైనదన్నారు. మాదిగల అస్థిత్వాన్ని కాపాడాల్సిన బాధ్యత కేసీఆర్ ది అని చెప్పుకొచ్చారు. తనకు టికెట్ రాకపోవడంపై మాదిగలు ఆగ్రహంగా ఉన్నారన్నారు. నియోజకవర్గంలో ఎక్కడికక్కడ సమావేశాలు పెట్టి మద్దతు తెలుపుతున్నారని అన్నారు. మందకృష్ణ మాదిగలాంటి వారు తనకు మద్దతు ఇస్తున్నారని ఎమ్మెల్యే రాజయ్య వెల్లడించారు.
Updated Date - 2023-08-29T13:42:04+05:30 IST