12న ప్రమాణ స్వీకారం రోజు.. ఉదయం 9.30 గంటలకే రండి!
ABN, Publish Date - Jun 11 , 2024 | 02:09 AM
చంద్రబాబు ప్రమాణ స్వీకార కార్యక్రమం జరిగే ఈ నెల 12వ తేదీన గన్నవరం విమానాశ్రయానికి వచ్చే ప్రయాణికుల వేళలను విజయవాడ ఎయిర్‌పోర్టు యాజమాన్యం సవరించింది.
సాయంత్రం విమానం ఎక్కాల్సి ఉన్నా.. ఉదయమే వచ్చేయండి
గన్నవరం ఎయిర్‌పోర్టు యాజమాన్యం సూచన
విజయవాడ, జూన్‌ 10 (ఆంధ్ర జ్యోతి): చంద్రబాబు ప్రమాణ స్వీకార కార్యక్రమం జరిగే ఈ నెల 12వ తేదీన గన్నవరం విమానాశ్రయానికి వచ్చే ప్రయాణికుల వేళలను విజయవాడ ఎయిర్‌పోర్టు యాజమాన్యం సవరించింది. ఉదయం 10 గంటల నుంచి సాయంత్రం 4 గంటల వరకు విమాన సమయాలు కలిగిన ప్రయాణికులు, ఉదయం 9.30 గంటలకే విమానాశ్రయానికి చేరుకోవాలని కోరింది. ప్రయాణికులను దించటానికి, పికప్‌ చేసుకోవటానికి వచ్చేవారు సైతం ఇవే జాగ్రత్తలు తీసుకోవాలని సూచించింది. చంద్రబాబు ప్రమాణ స్వీకారానికి ప్రధాని సహా తరలివస్తున్న వీవీఐపీలతో ఆ జాతీయ రహదారిపై ట్రాఫిక్‌ జామ్‌ అయ్యే అవకాశం ఉన్నందున ఈ సూచన చేస్తున్నట్టు ఎయిర్‌పోర్టు డైరెక్టర్‌ ఎం.లక్ష్మీకాంత్‌ రెడ్డి తెలిపారు.
Updated Date - Jun 11 , 2024 | 08:21 AM
